Cameroun/guw-bj
|
Cet article est écrit en Gun (Bénin) |
|
Cameroun | |||
|---|---|---|---|
| |||
.svg)
| |||
| Tatɔ́-tònɔ | Yaoundé | ||
| Lɛdó | 475 442 km² | ||
| Gbɛtɔ̀ Sɔxa Lɛ | 26 545 864 ab. (2020) | ||
Cameroun (xe nɔ nyí yiylɔɖɔ République du Cameroun) nyí otò ɖé to Cɛncɛn Aflika tɔn. Tatɔ́-tònɔ etɔn wɛ Yaoundé. Douala wɛ nyí tòɖaxó xe klo húgǎn to Cameroun. Nǔɖi gbɛtɔ́ livi 20 wɛ nɔ nɔ̀ Cameroun. Paul Biya wɛ nyí tògán Cameroun tɔn. Yé nɔ dó nǔɖi ogbè 250 to Cameroun. Flansegbe kpó Glɛnsigbe kpó wɛ nyí ogbè tangan otò lɔ tɔn.
Ninɔmɛ lɛdó ayigba tɔn[jlado | jla asisado]
To gbigblo nǔɖi kilomɛtlu 475 442 tɔn lɛdó kpé, Cameroun nyí 53tɔ to otò xe klo húgǎn to ayihɔ́n lɔ mɛ. E gandó kiklo-nyinyi Papouasie-Nouvelle-Guinée tɔn go. Otò lɔ tin to Cɛncɛn kpó Hwèyixɔ Aflika tɔn kpó to Golfe du Bénin, xenyi akpaɖexwe Golfe de Guinée tɔn kpó Oxù Atlantique tɔn kpó. Kɔmɛnu otò lɔ tɔn lɛ wɛ Nigeria to hwèyixɔ; Tchad to agewaji hwèzɛtɛn-waji; République centrafricaine to hwèzɛtɛn-waji; kpóɖɔ Guinée équatoriale, Gabon, kpó République du Congo kpó to xùwaji.
Lɛdó lɛ[jlado | jla asisado]
Gbekɔndókpɔ́ lɔ má Cameroun yì lɛdó 10 mɛ. To azán 12tɔ abɔ̀xúsun 2008 tɔn, Tògán lɔ ɖyɔ́ kinklan lɔ lɛ sɔ́n ayimatɛn lɛ mɛ jɛ lɛdó ɖélɛ mɛ. Ayimatɛn-gán xe nyí ɖiɖe gbɔn tògán dali ɖokpóɖokpó wɛ nɔ ɖeanana lɛdó ɖokpóɖokpó.[1]
Lɛdó lɔ lɛ nyí mimá dó agbegbe 58 mɛ. Nugokpɔ́ntɔ agbegbe tɔn xe nyí ɖiɖe gbɔn tògán lɔ dali lɛ wɛ nɔ ɖeanana agbegbe exelɛ.
 | |||||||||||||||||||||||||||||||||||||||||||||||||||||||||||||||||||||||||||||
|
Tòɖaxó lɛ[jlado | jla asisado]
Ɖélɛ to tòdaxó xe klo húgǎn to Cameroun lɛ mɛ wɛ:
| Otɛn | Nyǐkɔ | Sɔxa gbɛtɔ́ xe nɔ nɔ̀ finɛ lɛ tɔn |
|---|---|---|
| 1. | Douala | 2 000 000 |
| 2. | Yaoundé | 1 600 000 |
| 3. | Garoua | 450 000 |
| 4. | Bafoussam | 350 000 |
| 5. | Maroua | 327 000 |
| 6. | Bamenda | 299 600 |
| 7. | Ngaoundéré | 185 700 |
Ogbè lɛ[jlado | jla asisado]
Ogbè tangan Cameroun tɔn lɛ nyí flansegbe kpó glɛnsigbe kpó. É nyí akpaɖexwe Commonwealth Grande-Bretagne tɔn kpó La Francophonie tɔn kpó. Suhúgǎn gbɛtɔ́ lɛ tɔn wɛ nɔ dó flansegbe, cigbǎ glɛnsigbe nɔ nyí didó to lɛdó Agewaji kpó Xùwaji-hwèyixɔ otò lɔ tɔn kpó mɛ, yèɖɔ to ojlɛ̌ ɖé mɛ wayi to Grande-Bretagne.
Alɔdlɛndónù lɛ[jlado | jla asisado]
- ↑ Décret N° 2008/376 du 12 novembre 2008, La Présidence de la République du Cameroun, consulté le 6 octobre 2023.
| Aflika | |
|---|---|
| Algeria • Angola • Bénin • Botswana • Burkina Faso • Burundi • Cameroun • Cape Verde • Central African Republic • Chad • Comoros • Democratic Republic de li Congo • Republic de Congo • Costa de Ivor • Djibouti • Egiptia • Equatorial Guinea • Eritrea • Ethiopia • Gabon • Gambia • Ghana • Guinea • Guinea-Bissau • Kenya • Lesotho • Liberia • Libya • Madagascar • Malawi • Mali • Mauritania • Mauritius • Morocco • Mozambique • Nigeria • Namibia • Niger • Rwanda • São Tomé e Príncipe • Senegal • Seychelles • Sierra Leone • Somalia • Sudafrica • Sud-Sudan • Sudan • Swaziland • Tanzania • Togo • Tunisia • Uganda • Zambia • Zimbabwe |