Patrice Talon

Sọn Wikipedia
Jump to navigation Jump to search
Patrice Talon

Patrice Guillaume Athanase Talon (hé yin jiji to azan tintan Nuwhàsun, owhè 1958) yin tonudọtọ po ajọwatọ otò Benẹ tọn po. E kò lẹzun togbogan Benẹ tọn sọn azan ṣidopotọ lidosun owhè 2016.

Bẹjẹeji Gbẹzan etọn tọn po azọ́n etọn po[jlado | jla asisado]

Talon tlọn kúnkan Fọnnu lẹ tọn mẹ bo sọ yin jiji to Ouidah. E tọ́n sọn okún kanlinmọjọwatọ tọn lẹ mẹ. Otọ etọn tlọn Ouidah bọ Onọ etọn tlọn hẹnnu Guédégbé tọn mẹ to Abomey. E mọ gbedewema wehọmẹ daho tọn yi to Dakar, Senegal. To whenuena e yí gbedewema to nupinplọn lẹnunnuyọnẹn tọn mẹ to wehọmẹ alavọ tọn University of Dakar tọn godo, e yin dide hlan wehọmẹ agahun kùnkùn tọn National School of Civil Aviation tọn mẹ to Paris. Pọndohlan etọn wẹ nado lẹzun agahunkuntọ, ṣigba e ma sọgan zindonukọn na é gbọawupo to tẹnpọn àgbásálilo dé tọn he ye basi na ẹn to dotowhe wutu. To owhè 1983, Talon lẹzun ajọwatọ nuzinzan ogle tọn lẹ tọn. To owhè 1985, e lẹkọ dó otò Benẹ tọn mẹ bo dó azọnwhe Societé Distribution Intercontinentale, SDI ai. Azọnwhe lọ nọ bẹ nuzinzan ogle tọn lẹ na azọnwhe he nọ basi sekanfun lẹ. To owhè 1990, akuẹsẹdotẹn aihọn tọn wa gbèta dagbe de kọn dọ otò he to wheyihọ Aflika tọn lẹ nado sọgan nagbe tovi paa lẹ ni sọgan dó azọnwhe yedetiti tọn ai. Ehe zọn bọ yé dọna otò Benẹ tọn ni dealọ sọn sekanfun bibasi mẹ. Talon mọ dotẹnmẹ lọ nado dó azọnwhe sekanfun tọn atọn (3) dó otò Benẹ tọn mẹ. E sọ yin yinyọnẹn taidi ahọlu sekanfun tọn king of Cotton na ada he e bẹ to sekanfun sìn àjọ mẹ. Azọnwhe he e doai lẹ pọn basi na ẹn na ogbẹ he e do po tonudọtọ dahodaho oto Benẹ lẹ po. Talon yin dopo to mẹhe yi akuẹ dó nọ godo na togbogan dayi tọn Thomas Boni Yayi, whenue e to wezun họn nado du togbogan to owhè 2006 po 2011 po. Azọnwhe etọn Benin Control họ̀ azọnwhe awe he yin oto tọn yèdọ: Sodeco to owhè 2009 po PVI po to 2011. To owhè 2011, Talon lẹzun nukunpedonugotọ na agbàn he nọ tlọn oto devo mẹ lẹ to Cotonou. To owhè 2012, e họ̀nyi otò Flans tọn mẹ whenuena yè sawhẹdokọna ẹn dọ é fin akuẹ hugan livi fọtọnnukunatọn 18 million Euros hé yin takuẹ. Ojlẹ pẹde godo, e ma sọ jẹakọ hẹ Yayi Boni ba, bo sọ yin whẹsadokọna sọ e tin to mẹhe to na hùn Yayi Boni lẹ mẹ. Yé jona ẹn to owhè 2014. To owhè 2015, hojlawema Forbes tọn kan yinkọ Talon tọn do otẹn fọtọntọ mẹ na mẹhe dó akuẹ hugan to apadewhe Aflika sub- Sahara tọn. Sọha akuẹ etọn he Forbes zinjẹgbonu wẹ livi 400 (US $400 Million).

Togbogan[jlado | jla asisado]

Talọn wlẹn gánzinpo togbo Benẹ tọn to ovo he yin bibla to whejisun owhè 2016. E lẹzun togbogan Benẹ tọn to whenuena e bẹ madó kande-fọtọn (55%) to ovo he yin bibla wla awetọ godo to ewọ po lizọnyizọnwatọ́ tangan Lionel Zinsou he tlọn tonudọgbẹ Cowry Forces for an Emerging Benin tọn po ṣẹnṣẹn.

Otàn Gbẹzan Edetiti tọn[jlado | jla asisado]

Talon wlealọ hẹ Claudine Gbénagnon hé yin vijiji Porto-Novo tọn.Ye sọ ji ovì Awe.

Alọdlẹndonu lẹ[jlado | jla asisado]