Gungbe
|
Cet article est écrit en Gun (Gungbe) |
Gungbe yin ogbè de he yin apadewhe pipli ogbè "Gbe" tọn lẹ tọn. Ogbè lọ nọ yin didó gbọn Gunnu he wá sọn Bénin po hùwaji-whèyihọ Nigeria tọn po lẹ dali. Gungbe yin apadewhe akọgbè Fọngbe tọn lẹ tọn to ogbè "Eastern Gbe" tọn lẹ mẹ, podọ e taidi akọgbè Fọngbe tọn devo lẹ, titengbe Agbome-gbè po Kpase-gbè po, podọ e sọ taidi ogbè Mahi-gbè po Wemẹ-gbè po tọn lẹ. Gungbe nọ yin pinplọnmẹ bo nọ yin didó to wehọmẹ delẹ delẹ he tin to lẹdo Ouémé tọn mẹ to Bénin.
Gungbe wẹ yin ogbè awetọ he nọ yin didó hugan to Bénin. Ogbè lọ nọ yin didó gbayipe to hùwaji otò lọ tọn, to Porto-Novo, Sèmè-Kpodji, Bonou, Adjarra, Avrankou, Dangbo, Akpro-Missérété, Cotonou, po tòdaho devo lẹ po mẹ fie Gunnu lẹ nọ nọ̀. Ogbè lọ sọ nọ yin dido gbọn pipli pẹvi Gunnu lẹ tọn de he tin to hùwaji-whèyihọ Nigeria tọn sẹpọ dogbó Bénin tọn, titengbe to Gbagli, Maun, po Tube po dali.