Babatunde Olatunji

Michael Babatunde Olatunji (yin jiji to Lidosun 7, 1927, e kú to Lidosun 6, 2003). Naijilia-vi jìjì de he yín húnhotọ, nuplọnmẹtọ, avùnlọyitọ na jlọjẹ gbẹtọvi lẹ tọn po hànsinọ de po wẹ.

Pẹvi etọn

Olatunji yín jiji do gbetato Ajido tọn sẹpọ Gbagli to Ayimatẹn Awọnlin tọn to Wheyihọ-waji Naijilia tọn mẹ. Hagbẹ pipli Ogunu lẹ tọn de wẹ e yin bọ sọn pẹvi etọn gbọn wẹ e ko nọ dotó ohàn Aflika-gbéji tọn lẹ. Zẹemẹ yinkọ etọn Bàbátúndé tọn wẹ, 'Baba ko lẹkọwa', na e yin jìjì osun awe to oku baba etọn Zannu, mẹhe yin Ogunu de tọn godo wutu, yè yise dọ baba Olatunji tọn dopolọ wẹ vọ́jọ. Whèhutọ he ko dibla lẹzun kọ́mẹgán de wẹ baba etọn yin, podọ onọ etọn nọ bayi okò-zẹ́n lẹ bosọ yin Ogunu de. Sọn pẹvi gbọn wẹ Olatunji ko nọ do Ogugbé po Ayọgbé po. Vodunsi de wẹ onọ etọn sin iya (onọ̀-daho) po iya onọ̀-daho etọn tọn po yín. Yé nọ sẹ̀n Vodun taidi Koli po yẹwhe-yọnnu vijiji tọn lẹ po.Na otọ etọn yawu kú wutu, sọn pẹvi etọn wẹ yè ko plọn ẹn dọ ewọ wẹ na jẹ otẹn otọ etọn tọn mẹ taidi kọ́mẹgán.

To whenue e tindo owhe 12, nado lẹzun kọ́mẹg̣án masọ jlo e ba. E hia gando tito wẹhọmẹ-didomẹ-hlan vọnu Rotary International Foundation tọn go to alọnuwe Reader's Digest mẹ, bosọ doalọwemẹ na tito lọ. Yé kẹalọyi alọdowemẹ etọn bọ to 1950, e yí United State of America.

Wépinplọn

Olatunji mọ̀ tito wehọmẹ-didomẹ-vọnu tọn (Rotary Scholarship) yí to 1950 bosọ plọnwé to Morehouse College he to Alanta, Georgia, yèdọ fihe jlo e. Amọ́, e ma jihàn depope to Morehouse College Glee Club. Họntọn vivẹ de wẹ Olatunji yín na ogán Glee Club tọn lọ Dr. Wendell P. Whalum podọ e hopodona ogán Dr. Wendell to Ohàn pọmẹ tọn he nọ yin "Betelehemu", yèdọ nuwiwa hunwhẹ jijizan Jesu tọn Naijilia tọn de. Whenue e fó wehọmẹ to Morehouse godo, e yì wehọmẹ alavọ tọn to New York (New York University) nado plọn Public Administration. To finẹ, e ze ogbẹ́ húnhiho tọn kleun de dai bo nọ yí do din kuẹ, bọ to ojlẹ dopolọ mẹ, e zindonukọn to wépinplọn etọn mẹ.