Agaie

Sọn Wikipedia

Agaie yin Lẹdo Gandudu Dokọ̀ tọn de to aṣẹpipa Ayimatẹn Niger Tọn glọ to Naijilia. Tatọ́-tẹnnọ̀ etọn tin to topẹvi Agaie tọn mẹ to alihogbó A124 tọn ji. Lẹdo etọn gbló sọ̀ kilomẹtlu 1,903 lẹdope bọ sọha gbẹtọ he to finẹ lẹ tọn sọ 132,907 to whenue yè bayi mẹhihia to owhe 2006. Sọha Posu tọn (Postal Code) lẹdo lọ tọn wẹ of 911.

Whenuho[jlado | jla asisado]

Agaie yin ayimatẹn owhe kanweko koewhèdopotọ (19th-century) tọn de to Naijilia egbezangbe tọn mẹ bo bẹ diblayin agbegbe gandudu dokọ̀ tọn egbezangbe tọn dopolọ pẹpẹ hẹn. Nupenu lẹ wẹ ko nọ nọ̀ finẹ jẹnukọn dai, amọ e wa lẹzun Emirate - enẹ wẹ gandudu de he nọ yin aṣẹpana gbọn nukọntọ Malẹnu lẹ tọn de dali- de bo yin apadewhé Ahọluduta Fulani lẹ tọn to owhe 1822 to whenue awhanfuntọ Fulaninu lẹ tọn he yè háyà lẹ gọalọna ye to akọ̀-whàn Nupe tọn lẹ (Nupe Civil Wars) whenu. To bẹjẹeji owhe kanweko kò-tọ (20th Century) tọn mẹ, aigba lọ lẹzun apadewhé Ahọluduta Britain tọn de.

Alọdlẹndonu lẹ[jlado | jla asisado]