Yomi Owope
Yomi Owope (yin jiji to azán fọtọ̀n-nukunawetọ, Awewesun, owhe 1977) yin kandai basitọ Nijilianu, nuzedonukọ̀nnamẹtọ Tele ji tọn podọ azọ́nyọnẹntọ hodidọdopọ tọn. Ewọ wẹ ze opli whemẹ̀whemẹ̀ tọn, Yọ́nnu lẹ to Linlinzọ́nwiwa mẹ (Women in Journalism) dai podọ ewọ wẹ yin anadenanutọ to Lagos PR Agency.
Ewọ wẹ yin alọgọtọ na nuzedonukọ̀nnamẹtọ tito tele tọn lọ, Wake up Nigeria to Television Continental ji sọn 2017 jẹ 2020.
Vuwhenu po wepinplọn etọn po[jlado | jla asisado]
Kaduna wẹ Yomi yì wehọmẹ dokọ̀ tọn po wehọmẹ daho po te to Naijilia, ehe godo e zindonukọ̀n bo yí gbedewema to Glẹnsigbe mẹ de sọn Wehọmẹ Alavọ Awọnlin tọn tọn (University of Lagos), podọ to godo mẹ e mọ gbedewema daho pete lọ yí to Wehọmẹ Alavọ tọn Pan Atlantic University tọn.
Azọ́n[jlado | jla asisado]
Kandai basitọ de wẹ Yomi Owope yin to dopo to linlinhọsá nukọ̀n tọn Naijilia tọn lẹ de heyin Thisday mẹ to gblagbla owhe 2001 jẹ 2003 tọn lẹ mẹ podọ e wazọ́n to Sesema PR to Awọnlin, bo mọ azọ́nplọnmẹ PR tọn yi to Alima Atta he basi matintọ lọ glọ. To 2004, e lẹzun wekantọ linlinzọ́nwiwa tọn na asì Ayimatẹngán Ayimatẹn Kwara tọn, Toyin Saraki, e sọ nọ otẹ̀n enẹ mẹ kakajẹ 2008 bo wa lẹ́ jẹ azọ́n tele ji tọn wà ji.
To 2009, e kàn bosọ deanana adà tintan tito televiziọn tọn he yin "The Debaters" lọ podọ e sọ doalọwemẹ nado wazọ́n adà awetọ tọn nado kàn bosọ deanana ẹn to 2010. Enẹgodo e kàn adà awè sọn tito wadohia tele ji tọn tintan he yin mimá pe to Aflika, "Moments with Mo" he bẹjẹeji to 2010 bọ to 2011, e ko yì sọ apá 40. Owope wẹ yin mẹhe kàn bosọ yin zẹemẹbasitọ "Next Titan Reality Show" tọn.
To 2013, Owope jẹ azọ́nwa dopọ hẹ wehọ lọ linlin po hodọdopọ po tọn School of Media and Communications to Wehọmẹ Alavọ Pan Atlantic tọn po UNESCO po, nado tẹnpọn nado hẹn nujinọtedo linlin ninamẹ tọn Aflika tọn pọnte dogọ. Enẹgodo e bẹ Women in Journalism jẹeji, plidopo linlinnamẹtọ yọnnu lẹ tọn de to Awọnlin to Naijilia. Plidopo lẹdo aihọ́n pe lọ ko yin bibasi whlà atọ́n, to 2014, 2015, 2016, 2017 po 2019 po.
To 2013 e mọ ajọ̀ Innovation Award tọn yí na nukọ̀ntọ-yinyin po ogbẹ́ Debate and Speech Society po zizedai to Wehọmẹ Alavọ tọn Pan Atlantic tọn to Awọnlin.
To osun ṣianwtọ owhe 2017, e wazọ́n to TVC taidi nuzedonukọ̀nnamẹtọ tito Wake Up Nigeria to pọmẹ hẹ Titi Oyinsan.
To osun aotọ owhe 2021, Owope yin lilá di Alọgọtọ Vonọtaun Daho na Ayimatẹngán Ayimatẹn Ogun tọn lọ, Dapo Abiodun. To otẹ̀n ehe mẹ, e na wazọ́n dopọ tlọlọ hẹ asì Ayimatẹngán lọ tọn,Bamidele Abiodun, dọ azọ́ndenamẹ lẹ, tito-to-whinnu lẹ po aṣẹdai lẹ po ji.
Gbẹ̀zan etọn[jlado | jla asisado]
Yomi wlealọ hẹ Ayotunde podọ yé tindo ovi atọ̀n.