Wagasi
Oyinnọ-sin (kavi Wagasi) yin núdùdù vonọtaun dé he nọ yin dudu to Togbo Benẹ tọn mẹ. E nọ sábà yin dudu to mẹhe tin to Whezẹtẹn-waji Benẹ tọn to Aflika mẹ lẹ podọ e nọ sábà yin awuwlena gbọn Fulani lẹ dali. Parakou he yin tohomẹ Benẹ tọn wẹ yé nọ sa tè hugan. E sọ nọ yin mimọ to Otò devo lẹ he tin to Wheyihọ-waji Aflika tọn, titengbe to Sahara waji to Age-waji Parakou tọn. E nọ sábà yin yiylọdọ Wagasi to ogbe he nọ yin Dendi mẹ, Amọ, wẹ e nọ yin to Fọn-gbe mẹ, Nagot-gbe nọ ylọẹdọ Wara, podọ Bariba-gbe nọ ylọẹdọ Gasaru, bọ e nọ yin yiylọ to Flanse-gbe mẹ dọ Fromage. Eyin núdùdù dé he bọ bosọ yọn du bo nọ sábà yin yiyizan nado danu. Taidi whevi, Olan, po Azin po he nọ yin dídá to núdùdù Benẹ tọn mẹ lẹ, Oyinnọ-sin lọsu nọ yin dida dó nusọnu mẹ bọ yé nọ du po Owọ, Agu, Kanna, Aplan, po Tevi-yan po.
Lehe e nọ yin dídá gbọn[jlado | jla asisado]
Yinnọ-sin nọ yin gbigblọ to adoji, bọ yé nọ yi ama de he ye san sọn Atin Fromagier tọn dó dan ẹn na bọ vudevude oyinnọ lọ na jẹ sinsinyẹn ji. Enẹgodo, dehe sinyẹn enẹlẹ na yin bibẹsẹ, bọ e na yin zinzin dó lóbótó ji bosọ yin kinkọn dó osin he ye de sọn ama devo mẹ nado basi hihọna ẹn ma nado gble.
Nuhe ye sọgan yii dó da lẹ[jlado | jla asisado]
Yinnọ-sin sọgan yin dida gbọn aliho depope mẹ, taidi sisọ kavi dida. Ye nọ sábà ma ẹ dó nududu ji nado diotẹnna whevi kavi Olan to nusọnu mẹ. Sisọ etọn lọsu sọ nọ yin sisa po takin po na gbejizọnlin-zintọ lẹ nado du.