Suraj Adekunbi
Surajudeen Ishola Adekunbi yin ajọwatọ Otò Naijilia tọn podọ dopo to Wedegbẹ́ Tonudidọ Ayimatẹn Ogun tọn, to fihe eyin hodọtọ yetọn te.
Bẹjẹeji gbezan etọn
[jlado | jla asisado]E yin jiji to Ayetoro, to Ayimatẹn Ogun tọn, to Otò Naijilia tọn mẹ. Adekunbi yin dopo to ovi fọtọ̀n he Rahmon po Elizabeth Adekunbi po ji lẹ mẹ. E yi wehọmẹ dokọ̀ tọn St. Paul African church primary school, Ayetoro, whẹpo e do yi Comprehensive High School, Ayetoro, to fihe e yi gbedewema pẹvi te to owhe 1993. E yi gbedewema to zomọ bibayi mẹ sọn wehọmẹ politẹknik tọn, Ilaro to owhe 1996, podọ gbedewema he bọdego sọn politẹknik Ibadan. E sọ yi gbedewama devo to Wehọmẹ Alavọ tọn Federal University of Technology Akure, podọ gbedewema daho to nubibasi po didoai po mẹ to owhe 2011, sọn wehọmẹ alavọ Ibadan tọn si.
Azọn po tonudidọ po
[jlado | jla asisado]Adekunbi bẹ azọnwiwa jẹeji taidi alọgọtọ to Nigerian Petroleum Development Company (NPDC) to togbo Edo tọn mẹ to whenuena e to sinsẹn Naijilia to owhe 2000. To whenena e sẹn fo godo, e lezun mẹplọntọ to wehọmẹ alọnuzọnwatọ lẹ tọn, Idi-Aba, Abeokuta. To enẹgodo e biọ ogbẹ Ogun State Civil Service working in the Burea Transportation tọn mẹ sọn owhe 2004 jẹ 2006, whẹpo e do doalọte nado wazọn to azọnwhe otọ etọn tọn, Al-Rahman Oil & Gas Limited. To 2007 e ze apotin nado yin wedegbẹ tonudọtọ ayimatẹn whezẹtẹn Egbado tọn ( he wa yin yinyoẹn taidi Yewa North ) Sigba e gbọawupo. To 2011, e sọ ze apotin devo to ogbẹ Action Congress of Nigeria (ACN) bo yin alọkẹyi. E yin dide taidi hodọtọ ogbẹ lọ tọn. E so yin dide whla awetọ taidi hodọtọ ogbẹ lọ tọn to 2015