Sunday Igboho

Sunday Adeniyi Adeyemo he diyin taun bọ mẹlẹ sọ nọ ylọẹdọ Sunday Igboho, wẹ yé ji to Azan aotọ osun aotọ owhe 1972 mẹ to gbetato he yin Igboho mẹ, to Oke-Ogun he tin to Aimatẹn Oyo tọn to Otogbo Naijilia tọn mẹ. E sọ yin ajọwatọ dé, Avunhona jlọjẹtọ dé po Mẹnukundeji dé po.

Dile yé yí otò he mẹ e tlọn sín yinkọ dó nọ ylọ ẹ, yé nọ ylọẹdọ Igboho. Mẹsusu wẹ dó yise dọ e do huhlọn jọwamọ tọn. Na taun tọn to whenuena lẹdomẹwhan dé wa aimẹ to Modákẹ́kẹ́-Ifẹ ṣẹnṣẹn to Owhe 1997, bọ esọ dohia sọ sunnusi glengbenu wẹ emi yin. E yin gbẹtọ adọgbotọ bo sọ yin azinponọ azọnwhe Adeson International Business Concept Ltd po Akọni Oodua of Yoruba po.

Sunday Igboho wa yin yinyọnẹn ganji to nọtẹn Intẹnet tọn lẹ ji to osun tintan owhe 2021 tọn to whenuena e wa na avase Fulani he nọ bẹ Oyin pe lẹ nadó tlọn aigba Ìbàràpá tọn ji. Ewa ehe to whenuena yé hu Dr. Aborode he yin glesi de to otò lọ mẹ, bo ka sọ mọdọ yé tlọn aigba lọ ji.

Otàn gbẹzan etọn tọn

Ye ji Sunday Igboho to gbetato he yin Igboho mẹ to Ahọluduta hoho Oyo tọn glọ to Oke Ogun he tin to Ayimatẹn Oyo tọn mẹ, amọ otọ etọn bẹ agban bo wa jẹ Modákẹ́kẹ́ he to Ayimatẹn Osun tọn mẹ, finẹ wẹ e whẹn te.