Suleiman Abba
Suleiman Abba (he yin jiji to 22 Whejisun 1959) yin ponọ he ko yí gbọjẹ whenu gaa Nigeria tọn de he wazọ́n taidi ponọ-gán dodinnanutọ daho 17tọ sinsẹ̀nzọn ponọ Nigeria tọn. E yin dide taidi ponọ-gán dodinnanutọ daho na ojlẹ gli de to 1 Avivọsun 2014 gbọn Togán Goodluck Jonathan dali bo wá lẹzun ponọ-gán dodinnanutọ daho to 4 Abọ̀húsun 2014. Jẹnukọnna ehe, Abba to azọ́nwa taidi mẹhe bọdo ponọ-gán dodinnanutọ daho go to Zone 7, to Abuja. Ponọ-gán dodinnanutọ daho Abba yin didesẹ to 21 Lidosun 2015 na walọ he tin to sinsẹ̀nzọn ponọ Nigeria tọn mẹ to ojlẹ vòbibla gbangba tọn mẹ to 2015 wutu.
Gbẹzan po azọ́n po
[jlado | jla asisado]Abba yin jiji to 22 Whejisun 1959 to Gwaram, to Ayimatẹn Jigawa tọn mẹ, to agewaji-whèyihọ Nigeria tọn. E mọ gbedewema de yí to Whenuho mẹ sọn Wehọmẹ Alavọ Jos tọn mẹ.
E yin alọkẹyi do ponọ Nigeria tọn lẹ mẹ to Awewesun 1984 bo wazọ́n vudevude to ofi voovo lẹ kakajẹ whenuena e lẹzun mẹbọdo ponọ-gán dodinnanutọ daho go (AIG) to Afínplọsun 2012.
Abba nọ wazọ́n to azọngban susu mẹ to whenuena e tin to sinsẹ̀nzọn ponọ lẹ tọn mẹ. E sẹ̀n taidi anadenanutọ ponọ lẹ tọn to Ayimatẹn Awọnlin po Rivers tọn po bosọ yin mẹbọdo ponọ-gán dodinnanutọ daho go de to ojlẹ de mẹ he nọ penukundo Zone 7 Abuja go.
To ojlẹ de mẹ, E sọ wà sinsẹ̀nzọn taidi ponọ tlọlọ (ADC) na Maryam Abacha, yèdọ asi togán dai tọn Nigeria tọn de he nọ yin Sani Abacha.