Shettima Mustapha
Shettima Mustapha OFR (he yin jiji to azán 26tọ Abọ̀húsun 1939 — azán 17tọ Abọ̀húsun 2022) yin wesetọ dé po tonudọtọ dé po, e sọ yin ovijiji otodaho Naijilia tọn. E wazọn taidi lizọnyizọnwatọ na tito glelilẹ ton sọn owhe 1990 kakajẹ owhe 1992. To 2007 yé dee nado yin lizọnyizọnwatọ na tito hihọ tọn to gandudu Yar'adua glọ. To owhe 2010 mẹ wẹ Shettima jo azọn lizọnyizọnwatọ dó to whenuena Goodluck Jonathan vọ vọjlado basina gandudu etọn.
Bẹjẹeji gbẹzan etọn tọn[jlado | jla asisado]
Shettima Mustapha wẹ yé ji dó fihe nọ yin Ayimatẹn Yobe Tọn tosin to owhe he mi dọ dó àga. Wehọmẹ Borno Middle tọn he tin to Maiduguri wẹ e yi bẹsọn owhe 1946 jẹ 1952. E wazọn taidi Medical Field Assistance to Ayimatẹn Kano tọn mẹ to owhe 1955 je 1956. e sọ wazọn to Borno Native Administration sọn owhe 1954 yi 1964. Enẹgodo wẹ e sọ wazọn jẹ Azọnwhe Ladio tọn po to Kaduna sọn owhe 1965 jẹ 1967. To whenuena Shettima dó owhe koatọnnukunatọntọ to owhe 1967 tọn mẹ wẹ yé dèe taidi weplọnmẹtọ dé to wehọmẹ Alavọ tọn Ahmadu Bello University. Enẹgodo e sọ yi wehọmẹ bo yí gbedewema bo sọ wa wazọn taidi Dodinnanutọ dé gándo glelilẹ go. Enẹgodo e sọ yi wehọmẹ wunmẹ wunmẹ devo lẹ, bo yí gbedewema susu devo lẹ ga.
Tozọn he e wa lẹ[jlado | jla asisado]
Shettima Mustapha wẹ yín kọmisọna to Ayimatẹn Borno tọn mẹ to togan Mohammed Goni glọ. Enẹgodo wẹ e wa yin dide nado yin awetọ na mẹhe na dù togan Ayimatẹn lọ tọn to ọgbẹ Nigeria People's Party glọ to owhe 1983 Amọ Shehu Shagari wẹ dù to ovo lọ ji to whelọnu. Enẹgodo Awhangan Muhammad Buhari yi gan gannugannu bo ze Shettima dó ganmẹ bọ to whenuena e tọn e lẹkọ bo yí bẹ azọn mẹplọntọ tọn etọn jẹeji.
Lizọnyizọnwatọ to Yar'adua glọ[jlado | jla asisado]
Tògbogan tògbo Naijilia tọn he yin Umaru Yar'adua wẹ wa dé Shettima taidi lizọnyizọnwatọ tangan na whẹho hihọ tọn na otò lọ. Enẹgodo e sọ gbẹ yin lizọnyizọnwatọ tangan to owhe 2008 tọn mẹ bọ Godwin Abbewa yi otẹn etọn.