Sam Amuka-Pemu
Ahọvi Sam Amuka Pemu (yin jiji to azán wiatọ̀ntọ Ayidosun 1935) yin linlinwekantọ Naijilia vijiji de, mahẹ tindotọ́ to linlinwe lẹ mẹ, podọ Zinzinjẹ̀gbonutọ́ linlinwe tọn he zin linlinwe The Vanguard tọ́n, he yin linlinwe he yi nukọn taun to togbo Naijilia tọn, podọ ewọ sọ wẹ Zinzinjẹ̀gbonutọ́ linlinwe The Punch tọn he nọ yin hihia gbọn gbẹtọ susu dali to Naijilia. E yin jiji to huwaji-wheyihọ to todaho Sapele tọn, to ayimatẹn Delta tọn naijilia, gbọn Pa Amuka-Pemu po Madam Teshoma Amuka-Pemu dali, he basi matintọ́ to Nuwhàsun 2014.
Azọ́n Linlinwekantọ́ tọn[jlado | jla asisado]
Ewọ wẹ yin vọjladobasitọ́ na linlinwe Daily Times of Nigeria tọn podọ ewọ sọ wẹ yin vọjladobasitọ́ tintan na linlinweeditor Sunday Punch tọn whẹpo ewọ po họntọn etọn Olu Aboderin po dó zin linlinwe The Punch tọn jẹgbonu to 1971. Enẹgodo ewọ po naijiliavi atọ̀n devo zin linlinwe Vanguard Newspaper tọ́n to 1983 . Togbogan Muhammadu Buhari dó Amuka hia taidi " homẹfanọ" to hunwhẹ jijizán etọn whenu. Nduka Obaigbena he yin ogán daho na ogbẹ linlinwekantọ́ lẹ tọn to togbo Naijilia tọn mẹ do e hia di apajlẹ dagbe podọ nukọntọ́ dagbe na linlinkantọ́ lẹ to naijilia. Sọgbe hẹ nuhe hagbẹ etọn lẹ dọ, Amuka-Pemu wẹ yin omẹ he whẹ́n hugan to mẹhe yin linlinwekantọ́ lẹ mẹ to togbo Naijilia tọn. Owe he hosọ etọn yin the Vanguard of Modern Journalism yin kinkan gbọn Kola Muslim Animasaun, he mọ azọ́nplọ́nmẹ yi to é dé yọ́n godonọnamẹ he gbloada he e dohia na linlinwekinkan to togbo Naijilia tọn mẹ.