Rufaida Umar Ibrahim

Rufaida Umar Ibrahim (yin jiji to azán fọtọ̀n-nukundopotọ Alunlunsu owhe 1995) yin Wekantọ po otanwekantọ Naijilia vijiji dé bo nọ kanwe dó Hausagbe mẹ. É yin jiji do whẹndo daa Gobirawa po Fulani tọn po mẹ to Ayimatẹn Kano tọn to Naijilia. E jẹadọkun to whenue é duto agbawhinwhlẹn to otàn gli de kinkan gando yọnnu Hausa tọn go godo to owhe 2020, ewọ wẹ yin omẹ atọntọ́ he duto agbawhiwhlẹn lọ ji, bọ Maryam Umar yin omẹ tintan he duto agbawhinwhlẹn lọ ji. Agbawhiwhlẹn lọ yin titobasina gbọn linlinwe (Aminiya Trust Newspaper) dali to vivọnu owhe 2020, ehe zọn bọ é lẹzun nukọntọ́ na otanwekantọ́ lẹ de to togbo Naijilia tọn mẹ.

Bẹjẹeji gbẹ̀zán etọn po wehihia etọn po

Rufaida yin jiji to todaho Kano tọn mẹ to togbo Naijilia tọn mẹ, bo yin jiji do whẹndo daa Gobir po Fulani po mẹ, bo yin pinplọ́n whẹ́n to gandudu dokọ Dala tọn to ayimatẹn Kano tọn mẹ. Otọ etọn, Alhaji Ibrahim Umar yin Bagobiri de bo wa sọn hẹnnu Gobirawa Hausa ayimatẹn Kano tọn, bọ onọ etọn yin Hajiya Aishatu Gidado he yin Fulani de bo yin Diffa vijiji to Niger. Rufaida yi wehọmẹ dokọ ( Yandutse Primary School) tọn to owhe 2005, e zindonukọn bo fó wehọmẹ daho (Yandutse college) to owhe 2011. Enẹgodo e yi wehọmẹ (Federal College of Education) to Kano bo plọnnu gando oyọnẹn nutogbẹ lẹ tọn te.