Phatiah

Fatiah Kanyinsola Ojediran yin jiji to azán ko-atọ́n-nukun-dopotọ, Avivọsun, owhe 2008 bo yin ohànjitọ Naijilia tọn podọ ohànkantọ, e yin yinyọnẹn gbọn azọn etọn dali di Phatiah kavi ohàn Phatiah tọn.

Wehọmẹ

Fatiah Kayinsola Ojediran yin jiji to Azan ko-atọ́n-nukun-dopotọ, Avivọsun, Owhe 2008 to Awọnlin, Naijilia. E yi wehọmẹ Starfield group schools to Awọnlin na wehọmẹ pevi podo dehe bọdego po bo zindonukọn yi wehọmẹ Ifako International Schools nado fó wehọmẹ bọdego tọn.

Azọn

To whenuena e tindo [owhe]] atọ́n (5) mẹ, Fatiah do ojlo etọn na ohàn hia bo zindonukọn gbọn jiji ohàn he gbayipe bosọ yin yinyọnẹn ganji dile e ko dohia do nado lẹzun ohànjitọ he na tindo nuwadomẹji dagbe do gbetọ lẹ ji podo ohàn etọn po. To whenue e ko do ojlo etọn hia godo, mẹjitọ etọn lẹ jẹ awleawudaina nuhudo etọn lẹ nado sọgan jihan na gbẹtọ lẹ. E yin pinplọn gbọn otọ́ etọn dali he yin titobasitọ ohàn tọn bosọ doalọ gbedide mẹ nado biọ azọnwhe ohàn otọ́ etọn tọn Climax Entertainment to 2019. Gbetọ lẹ jẹ ohàn etọn lẹ se ji to whenuena e diọ ohànṣa etọn bo ka sọ ze ohàn pop dagbe daga to Naijilia. E basi obiọ zogbe tọn sọn gandutọ lẹ si nado penukundo ovi pẹvi lẹ he é ylọ dọ sọgodo to ohàn etọn mẹ “Leaders of Tomorrow” podo linlẹn lọ po nado dọn ayidonugo gbẹtọ lẹ tọn do ninọmẹ nukunbibia yọpọvu lẹ tọn to aliho he sọgbe hẹ ojlo UNICEF tọn mẹ.

Todohukanji ohàn etọn lẹ tọn

To Avivọsun 2018, ohàn he yin yiylọdọ Education yin dide jẹgbonu gbọn azọnwhe Climax Entertainments tọn to Avivọsun 2018. Azọn etọn lẹ wẹ:

• Education (2018)
• Leaders of Tomorrow (2020)* [7]
• JEJE featuring Destiny Boy (2021)* [8]

E ma gbọjẹ, kakatimọ e zindonukọn nado dlẹnkan yi finukọn taidi akùn nado basi ohàn he sọgbe, ohàn gbọdo lẹ podo ohàn he sọgan jlọ gbẹzan mẹtọn dote.

Azọn gbẹzan etọn tọn

Ajọ̀, dide podo ayidonugo po

• Enya Kid Artiste of the year 2019
• Arise O Nigeria Most Outstanding Kid in Philanthropy of the Year 2018
• Cool Wealth Kid Artiste of the Year Awards 2019
• Enya award Kid Entertainer Year 2020