Omowumi Akinifesi

Omowumi Akinifesi yin ajọwatọ́ otò Naijilia tọn dé podọ afọzedaitọ nukunpedo lẹdó Ayimatẹn Awọnlin tọn go tọ dé wẹ e yin ga.

Vuwhenu po wehọmẹ etọn po

Viyọnnu anadenanutọ́ akuẹsẹdotẹn daho otò Naijilia tọn dai tọn wẹ e yin. Akinnifesi yin jiji to azán ẹnẹtọ, Awèwèsun owhe 1986 tọn to awọnlin, ṣigba e zan vuwhenu etọn to otò Sierra Leone tọn mẹ whẹpo do lẹkọ do otò Naijilia tọn mẹ po whẹndo etọn po. E yì wehọmẹ daho Queen's College Yaba tọn fie e mọ gigopanamẹnu susu yí te to anazọn etọn lẹ mẹ. To owhe 2008, Akinnifesi fó wehọmẹ alavọ University of Lagos tọn. To 2012, e yí gbedewema daho to nupinplọn gando nukunpipedo ninọmẹ lẹdo tọn go mẹ, Aṣọ́dido po nukunpipedego po to wehọmẹ daho Kings College to London.

Azọn etọn lẹ

To 2005 whenuena Akinnifesi to owhe fọtọnnukunatọ̀n dó, e yí jẹgbakún viyọnnu he yọnwhanpẹ hugan to otò Naijilia tọn mẹ tọn (Most Beautiful Girl in Nigeria), to owhe dopolọmẹ, ehe hùn dotẹnmẹ dote na ẹn nado yin afọzedaitọ Naijilia tọn to China to whenue yé jlo na dè mẹhe yọn whanpẹ hugan to aihọn lọ blebu mẹ. To otò China tọn mẹ, e kọnawudopọ́ to atín didó na ahọlududu otò China tọn. Akinnifesi zé otẹn awetọ to wedudu adà Naijilia tọn he yé ylọ dọ Strictly Come Dancing Celebrity Takes 2 tọn mẹ whẹpo do bẹ azọ́n haṣinṣan gbẹtọ lẹ tọn Public relation po ajọ̀ gbẹtọ whíwhéjó nado gọalọ to hunwhẹ nuwiwa tọn lẹ whenu Usher-hiring business he nọ yin Elle Poise. Akinnifesi ko yin pipa to azọ́n aṣa wunmẹwunmẹ didetọn tọn to ojlẹ ehelẹ mẹ, bọ to 2011, yè na ẹn gigo dé to hunwhẹ gigopanamẹnu tọn he yé ylọ dọ Allure Style Awards. To 2016, Akinnifesi hùn ajọ̀họ abọ wunmẹ etọn tọn he yin Omowunmi.