Obalende
Obálendé he ko yin didiọ sọn oho he Ayọnu lẹ nọ dọ ibi ti ọba le wa dé he zẹẹmẹ dó fie Ahọlu yan mí jẹ, yin nọtẹn dé to Awọnlin to otò Naijilia tọn mẹ to gandudu dókọtọn Eti-osa tọn glọ he sẹpọ Lopo Awọnlin tọn. Eti-osa ko yin mimá gbọn gandudu Ayimatẹn Awọ̀nlin tọndali dó kọmẹ voovo he nọ yin Local Community Development Areas (LCDA) he Ikoyi-Obalende yin dopo to e mẹ. Wehọmẹ daho susu lẹ taidi Holychild College Obalende, St Gregory's College, Aunty Ayo International School po Girls Secondary Grammar School po wẹ tin to Obalende. E dó dogbo po ponọ-pámẹ po opá awhanfuntọ tọn lẹ po. Obalende nọ gọna gbẹtọ to whelẹponu. E yin yinyọnẹn taun na gbẹdudu zanmẹ tọn po mítọn vẹvẹ he nọ ta lẹdo toholọmẹ po, podọ fie te nọ sa olan mimẹ te he nọ yin Suya junction po.
Otàn Etọn[jlado | jla asisado]
Hagbẹ Royal West African Frontier Force (RWAFF) he gọ na omẹ Hausa tọn lẹ wẹ nọ aigba he ji ye gbá wehọmẹ daho King's College he tin to Awọnlin todin dó to ojlẹ de mẹ wayi. Ṣigba hudo tin nado zán aigba lọ, enẹwutu wẹ ahọlu Awọnlin tọn dó sisẹ ayimatẹngan Awọnlin tọn nado diọtẹnna omẹ RWAFF tọn lẹ, bọ yé dó sà aigba he yin yinyọnẹn to egbehe di Obalende na gandudu yovo Glẹnsi tọn lẹ. Whenuena ye diọtẹn na yé dó aigba yọyọ he yé họ lọ ji, omẹRWAFFtọn lẹ dó yinkọ na filọ dọ Ibi ti Ọba le wa dé he zẹẹmẹ dó fie ahọlu yan mí jẹ.