Ngozi Niji Akanni

Ngozi Niji Akanni yin Naijilia vijiji, aihundatọ sinnimọto, anadenanutọ po mẹhe nọ dé sinima tọ́n de.

Otan wepiplọn etọn tọn

Akanni yí Gbedewema Tintan Wehọmẹ Alavọ tọn to oyọnẹn Aihundida sinnimọto tọn to wehọmẹ Alavọ Obafemi Awolowo to Ilé-ifẹ̀ po Gbedewema Awetọ po to Wehọmẹ Alavọ Ibadan tọn, mọdopolọ E yi gbedewema na oyọnẹn sinima didetọ́n po anadidena na ẹn to Otò Indian tọn mẹ.

Otan azọn etọn tọn

Sinima susu wẹ é ko detọ́n na Edetiti podọ E sọ kọnawudopọ hẹ mẹdevo lẹ nado dé devo lẹ tọ́n to Naijilia. Taidi Dopo to Nukunmọnu Atọ̀n sọn Togbo Naijilia tọn mẹ to Aṣa Olympiad to London, to Owhe 2012, Ewọ wẹ Anadenanutọ na The Lion And The Jewel, Otan he Wọlé Ṣoyinka Kan he wa yin lilẹdo Aihundida sinnimọto na Whla Tintan to Owhe 1959. To Owhe 2005, Ewọ wẹ mẹbọdomẹgotọ Anadenanutọ na Whla Tintan to tito he nọ yin yiylọdọ Amstel Malta Box office, he yin Tito Televiziọn tọn he nọ dó Gbẹzan gbẹtọ tọn hia to Togbo Naijilia tọn mẹ. To Owhe 2006, Ewọ wẹ Anadenanutọ na Tito dé he nọ yin yiylọdọ Big brother Nigeria bo nọ dó Gbẹzan gbẹtọ lẹ tọn hia to gbangba. To Owhe lọ mẹ wẹ e sọ kọnawudopọ hẹ Anadenanutọ devo Nado deanana sinima he nọ yin yiylọdọ The Narrow Part(Ali bibo)heyin sinima nukunwhiwhe marundinlogorun he Azọnwhe (Mainframe Films Po Television Production) detọ́n, Tunde kelani wẹ Anadenanutọ sinima lọ tọn. Aihundatọ Ṣọlá Aṣedeko po Khàbíràt Káfidípẹ tindo mahẹ to Aihundida lọ mẹ,bọ bẹ Otàn he nọ yin yiylọdọ The Virgin (alọji)he yin owe Otan Tintan he yin kinkan gbọn Báyọ̀ Adebowale. To Owhe 2008, E sọ deanana Abọ̀bakú,he yin sunnu he whegli he Fẹmi Odùgbèmí de tọ́n to Tito Televisọn MNET he bọ Yin yiylọdọ New Directions. "Abọbaku" Yi Nunina susu na sinima he yọnhugan, To Aihundawhe he yin Zuma tọn to Abuja. To Owhe 2010, Ewọ wẹ sọ yin Nina Gbedewema na sinima he whegli he yọn hugan to TERRACOTTA AWARDS to Awọnlin to Togbo Naijilia tọn mẹ. To 2010, Akanni kàn Aihun Aramọtu bosọ deanana ẹn, Aramọtu yin Aihunde sọn Togbo Naijilia tọn mẹ, Gabriel Afolayan wẹ tindo mahẹ to sinima lọ mẹ. Sinima lọ yi Gbedewema to mẹwiwigbeji, Calabar bosọ mọ Gbedewema na nusisọ dagbe hugan Whla ṣinawe to Osun Atọ́ntọ Owhe 2013. Sinima Aramọtu yin didehia lẹdo Aihọn pe. Eyin didohia to hunwhẹ Samsung women's International Films Festival (SWIFF) to Owhe 2012 to Oto Chennai Indian, E sọ yin didohia to hunwhẹ Africa In The Picture(AITP) to Amsterdam podọ to owhe 2013 tọn Eyin didohia to Africa International film Festival (AIFF) to Tanzania po Kerala (IFFK) to Indian. Ewọ wẹ deanana bosọ Basi Tito na Aihundida sinnimọto Heros and Zeros, he yin sinima Naijilia he Aihundatọ taidi, Nadia Buari, Bimbọ Manuel, Gabriel Afolayan, Linda Ejiofor Po Olu Jacob po tindo Mahẹ to E mẹ. Sinima lọ yin didetọ́n to Osun ṣinẹnẹtọ Owhe 2012 bosọ yin didohia to sinima-họsa to (The UK) to Azan Koatóntọ Osun Ṣinẹnẹtọ Owhe 2013 tọn to Odeon. sinima ehe yi gbedewema yọnhugan podọ he gbẹtọ lẹ pọn hugan to hunwhẹ Eko International Films Festival to Owhe 2013, bo whlẹnagba jẹ sinima Devo lẹ to sinimọto dígítà to Owhe 2013 to Hunwhẹ Pan Africa Film Po Television Festival FESPACO to Oto Ouagadougou to Burkina faso. To Owhe 2013, sinima lọ yin didohia to International Film Festival Kerala tọn, IFFK, to India, bo sọ yin didohia to Owhe 2014 to Hunwhẹ Africamera Film Festival to Otò Warsaw tọn po Otò Poland tọn po. Sinima lọ yin nudego na Gbedewema Ṣidopo to ọ Africa Movie Academy Awards Ṣinẹnẹtọ, bo Yi Gbedewema he sinima Etọn yọnhugan he Tito Etọn sọ yọnhugan.