Mudashiru Obasa
Mudashiru Ajayi Obasa yin tovi Naijilia tọn he yin whẹyidọtọ de, tonudọtọ de podọ dopo to hagbẹ ogbẹ́ tonudidọ tọn All Progressives Congress tọn lẹ mẹ, e sọ yin dide taidi hoyidọtọ Lagos State House of Assembly tọn.
Bẹjẹeji gbẹzan etọn tọn[jlado | jla asisado]
Mudashiru Obasa yin jiji to Agege, yedọ topẹvi de to Awọnlin he tin to huwaji whèyihọ tọn Naijilia tọn. E yi wehọmẹ bẹjẹeji tọn etọn to St Thomas Acquinas Primary School, Surulere to Awọnlin, enẹgodo e zindonukọn yi wehọmẹ daho de he yinkọ etọn nọ yin Archbishop Aggey Memorial Secondary school, to Mushin, Ilasamaja, to ayimatẹ̀n Awọnlin tọn fie e mọ gbedewema wehọmẹ daho tọn etọn yi te. E wá yi gbedewema daho osẹn-zọ́nwiwà tọn etọn to wehọmẹ alavọ Awọnlin tọn (Lagos State University) to 2006.
Azọn etọn to tonudidọ mẹ[jlado | jla asisado]
To 1999, Mudashiru whlẹ́nagba nado yin afọzedaitọ gandudu dokọ̀tọn Agege tọn to ogbẹ́ tonudidọ tọn Alliance for Democracy tọn glọ, e du to agbawhinwhlẹ́n lọ ji bo sọ yin dide taidi afọzedaitọ gandudu dokọ̀tọn tọn Agege tọn bo nọ gántẹn ehe sọn 1999 jẹ 2002.