Mejai Bola Avoseh

Mejai Bola Mike Avoseh yin mẹplọntọ mẹhomẹ po wehọmẹ daho po tọn to wehọmẹ alavọ University of South Dakota tọn. Mẹpinplọn po dodinnanu etọn lẹ po nọ sinai do adà wepinplọn mẹhomẹ lẹ tọn, wepinplọn he bẹ nuyijlẹdonugo/togodo/aṣà voovo lẹ hẹn po aliho mẹpinplọn to jọwamọ-liho po tọn ji. E yin dopo to wedegbẹ́ ogbẹ́ The American Association for Adult & Continuing Education (AAACE) tọn mẹ sọn 2016, podọ na ogbẹ́ International Society for Comparative Adult Education (ISCAE) tọn bẹsọn 2020 bo na zindonukọ̀n kakajẹ 2023, podọ ewọ wẹ yin Anadenanutọ Commission for International Adult Education (CIAE) tọn na AAACE.

Wepinplọn etọn

E mọ gbedewema tadidona owhe ẹnẹ wehọmẹ alavọ tọn yí to 1982 podọ e sọ mọ gbedewema daho yí to 1984, e sọ mọ gbedewema yí to wepinplọn mẹplọntọ lẹ tọn mẹ (teacher education) to 1986, enẹgodo e sọ mọ gbedewema daho hugan etọn yí to wepinplọn mẹhomẹ lẹ tọn mẹ to 1991, gbedewema ehe lẹpo wẹ e mọ yí to wehọmẹ alavọ University of Ibadan tọn mẹ to Naijilia. E sọ mọ gbedewema daho yí to Educational leadership and administration sọn wehọmẹ daho College of Saint Rose tọn to Albany to 2006. Avoseh sọ yin mẹplọntọ he pegan de podọ anadenanutọ de to ayimatẹn New York tọn. E sọ tindo gbedewema SAS (School Administrator and Supervisor) po SDA (School and District Administration) ayimatẹn lọ tọn po.

Azọ́n etọn

Avoseh bẹ azọ́n mẹpinplọn (mẹhe ko fó wehọmẹ daho) tọn jẹeji taidi mẹhe nọ gọalọ kavi pọ́n tẹnmẹ na mẹplọntọ devo he nọ plọnnumẹ to adà Wepinplọn Mẹhomẹ lẹ tọn (Department of Adult Education) lẹ to wehọmẹ alavọ University of Ibadan tọn mẹ podọ to Saints Peter and Paul Seminary, Ibadan sọn 1986 jẹ 1995. Enẹgodo e sẹtẹn yì University of Namibia fie plọnnumẹ te sọn 1998 jẹ 2001 podọ to enẹgodo e wá sẹtẹn yì Amẹlika taidi mẹplọntọ de to Wehọmẹ ahọlu tọn lẹ to ayimatẹn New York tọn (New York City Public School System) sọn 2001 jẹ 2004. E yin dide taidi alọgọtọ na mẹplọntọ wehọmẹ alavọ tọn to wehọmẹ alavọ University of South Dakota tọn to 2004, podọ e wá lẹzun mẹplọntọ wehọmẹ alavọ tọn whenu gigọ tọn to 2015.

Avoseh ko basi dodinnanu, wleawuna bosọ plọnmẹ azọ́n voovo lẹ do apawhé mẹhomẹ po nukọ̀nzinzindo to wepinplọn mẹ po pataki aliho mẹpinplọn tọn lẹ, whẹ̀dida-dodo to gbẹtọ lẹ ṣẹnṣẹn po aliho mẹpinplọn to jọwamọ-liho po tọn, gọna wepinplọn to togodo to Nigeria, Namibia, Amẹlika, podọ to Botswana (taidi wésetọ Fulbright tọn de). E mọ ajọ̀ lizọnyitọ ayidego tọn Outstanding Service Medallion of the American Association for Adult and Continuing Education (AAACE) tọn yí to 2019. Whlà awè wẹ Avoseh mọ ajọ̀ J. William Fulbright Core Award for U.S. Scholars tọn yí na mẹpinplọn po dodindinnanu po. E mọ ajọ̀ Fulbright Award etọn agọe pete tọn yí to Whejisun 2019 nado plọnmẹ bosọ basi dodinnanu to Naijilia. Nado do pinpẹnnutọn-yinyọnẹn hia na azọ́n ayidego tọn he e wà to adà mẹhomẹ po nukọ̀nzinzindo to wepinplọn mẹ po tọnnp, yinkọ Avoseh tọn zize to todohukanji oyin gigonọ lẹ tọn na International Adult and Continuing Education (IACE) Hall of Fame to Zósun 2021 tọn, podọ hùnwhẹ yẹyidogonamẹ tọn etọn na wa aimẹ to azán 6tọ Kọ́yànsun 2021 tọn. To Ayidosun 2022, Avoseh yin dopo to mẹhe yin dide gbọn Azọ́nwatẹn Wepinplọn tọn Amẹlika tọn (United States Department of Education) gbọn Alọgọtọ Anadenanutọ to Mimá Wepinplọn Mẹhomẹ tọn po Yọ́nkan-po yọ́nhia po tọn to Azọ́nwatẹn Azọ́nwiwa tọn, Anazọ́nwiwa tọn gọna Wepinplọn Mẹhomẹ tọn po nado wá CONFINTEA VII, plidopo he nọ yin bibasi to otò voovo lẹ mẹ de he sinai do wepinplọn mẹhomẹ lẹ tọn ji he yin bibasi to Marrakech to Morocco.

Avoseh ko basi zinjẹgbonu susu do apawhé voovo wepinplọn mẹhomẹ lẹ tọn po nukọ̀nzinzindo to wepinplọn mẹ po mẹ, wepinplọn to togodo po nuyijlẹdonugo po mẹ, tòvi-yinyin to togodo podọ lẹdo aihọnpe, nukọnyiyi lẹdo he ma hunnukun tọn, nugopipe yọ́nhia-po-yọ́nkan po tọn, nupinplọn gando aṣà go, podọ to whẹho he du sunnu kavi yọnnu po tọn to wepinplọn mẹ, to alọnuwe tangan voovo lẹ mẹ podọ hẹ zinjẹgbonu-basitọ tangan lẹ.

Delẹ to owe he e kan lẹ mẹ

• Avoseh, M. B. M., and Erica Whitiker, "Social Justice and Retention: A Study of Marginalized Statistical Minority Students at a Predominantly White Rural Institution in the U.S.," Excellence and Innovation in Learning and Teaching 17, no. 2: 5-21.
• Avoseh, M. B. M., "The Ubuntu Narrative in Enhancing Social Justice Adult Education in Sub-Saharan Africa," In Mejai Avoseh (ed.), Proceedings of the 2019 International Pre-Conference of the Commission for International Adult Education (AAACE) (St. Louis: AAACE, 2019), 173–182.
• Avoseh, M.B.M. "Adult Learning and Education for Global Citizenship in South Africa." In Global Citizenship Education Project. (Hamburg: UNESCO's Institute for Lifelong Learning, 2019).
• Avoseh, Mejai B. M. "Adult Education and Participatory Research in Africa: In Defence of Tradition," Canadian Journal of Development Studies 21:sup1 (200): 565–578.
• Avoseh, M. B. M. "Learning to be active citizens: lessons of traditional Africa for lifelong learning," International Journal of Lifelong Education 20, no. 6 (2001): 479–486.
• Avoseh, M. B. M. "Literacy, Education, and the Women's Question in Nigeria," Asian Journal of Women's Studies 5, no. 4 (1999): 91–99.
• Avoseh, M. B. M. "Literacy education for active citizenship and sustainable development," International Journal of Literacy Education 9, no. 1 (2019): 1–3.
• Avoseh, M. B. M., and Greta Giese. "Herzberg's Theory of Motivation as a Predictor of Job Satisfaction: A Study of Non-Academic Community College Employees," Excellence and Innovation in Learning and Teaching 2 (2018): 38–52.