Mc Galaxy

Innocent Udeme Udofot (jiji to azán awetọ, Nuwhàsun), yin yinyọnẹn ganji taidi MC Galaxy, bo yin hànjitọ po hànkantọ Otò Naijilia tọn po. E diyin to whenue e du to agbawhinwhlẹ wedudu tọn Davido tọn godo to owhe 2012 tọn mẹ. E de ohan dopodopo (ALIONA) tọ́n to hunwhẹ jijizan etọn whenu to azán awetọ, Nuwhàsun owhe 2019 tọn mẹ. E ko wazọn dopọ po Tspize, Swizz Beatz, Uhuru po Shizzi po.

Azọn ohàn tọn

MC Galaxy ko tindo azọnwhe etọn titi, enẹ wẹ MCG Entertainment. E de dopodopo ohàn tọn etọn he yin "Sekem" tọ́n to azan fọtọn-nukun-ẹnẹtọ, Whejisun, Owhe 2014 tọn mẹ, to azọnwhe etọn MCG Entertainment glọ. Video ohàn tọn na ohàn lọ yin anadena gbọn Patrick Ellis, bo yin didetọn to Azan ko-nukun-atọ̀ntọ́, Ayidosun, Owhe 2014 tọn mẹ. Gbẹtọ hugan livi enẹ wẹ yi dla Video lọ pọn to YouTube ji podọ to owhe awe godo, ohàn lọ yin vivọbasi he Swizz Beatz tọ́n to emẹ.

Todohukanji ohàn tọn

Bladopọ

• Breakthrough ft Eke- abasi (2017)