Marleen Hutchful
Marleen Anmortsoo Hutchful (née Mensah; 27 kọ́yànsun 1986 – 11 Afinplọnsun 2022)yin Aihundatọ́ Ghanavi yọnnu de. E sọawuhia to Aihundida televizion ji Ghana tọn (Things We Do for Love) mẹ.
Bẹjẹeji gbẹzan etọn po wehọmẹ po[jlado | jla asisado]
Marleen Anmortsoo Mensah yin jiji to Accra to àzán 27 kọ́yànsun 1986. Mẹjitọ́ etọn lẹ wẹ Cyril Neeborquaye po Renate Ilse Mensah po. E yi wehọmẹ dokọ etọn to Ghana International School(GIS) enẹgodo e yi wehọmẹ alavọ (Ashesi University). E mọ gbedewema yi to wehọmẹ alavọ (Ashesi University) to nupinplọn gando anadide na ajọwiwa.
Azọ́n mẹdetiti etọn tọn[jlado | jla asisado]
Hutchful wazọ́n taidi Anadenanutọ́ ajọ́wiwa tọn to azọnwhe Amazing-U to ghana. E sọ wazọ́n taidi anadenanutọ́ na nuwiwa lẹ to azọnwhe DreamOval tọn. Enẹgodo e wazọ́n taidi mẹplọ́ntọ́ to wehọmẹ (Beacon College International) tọn.
Things We Do For Love[jlado | jla asisado]
Hutchful kọnawudopọ́ to Aihundida Ghana tọn Things We Do For Love to 2000 bo yi adà "Lois" tọn wa. Adà he e yiwa to Aihundida lọ mẹ yin adà jọja yọnnu ghanavi de tọn. E doalọ to Aihundida to kọndopọ́ mẹ hẹ Adjetey Annan, he yin yinyọnẹn taidi Pushe.
Gbẹzan mẹdetiti etọn[jlado | jla asisado]
Hutchful wlealọ bo tindo viyọnnu Awe. Asu etọn wẹ Claud Kweku Ampoful Hutchful. Viyọnnu yetọn lẹ wẹ:Elaine Ewuresi Hutchful po Claire Renate Kuukua Hutchful po. Klistiani wẹ é yin.
Okú etọn[jlado | jla asisado]
Hutchful basi matintọ to àzán widopotọ́ Afinplọnsun 2022 na azọ̀n (myeloid leukemia) tọn. E yin didi to Ghana to àzán 27 Afinplọnsun 2022 to tẹ́pá (Lashibi Funeral Home) to Accra.