Lolo1

Lolo1 to owhe 2017

Omotunde Adebowale David, mẹhe yin yinyọnẹn ganji gbọn gbetọ lẹ dali taidi Lolo1, yin aihundatọ Naijilia tọn de podọ nuzedonukọnnamẹtọ tito Ladio ji Naijilia tọn lẹ tọn. E wleawuna tito hodidọ he nọ yin 'Oga Madam' to Ladio Wazobia FM 95.1 tọn ji kakajẹ owhe 2019 whẹpo e do jo azọ́nwhe lọ do nado hopodona Lasgidi FM taidi ogán nukunpedonugotọ podọ azọ́nwatọ nuzedojẹhọn ji tọn.

Gbẹzan bẹjẹeji tọn podo wehọmẹ Po

E yì wehọmẹ Ijebu-Ode Anglican Girls secondary school to fihe e zan apadewhe gbẹzan etọn tọn to ohọ̀ de he yin dide na wẹhọmẹvi lẹ mẹ te. E fó oplọn osẹ́n tọn to wehọmẹ alavọ Awọnlin tọn bọsọ wá yì wehọmẹ osẹ́n tọn to nukọnmẹ.

Azọ́n

E bẹ azọ́nwiwa jẹeji taidi azọ́nwatọ he tindo gbedewema de to whenuena e yin yiylọ do ogbẹ́ whẹyidọtọ lẹ tọn mẹ to owhe 2000. E wazọ́n to azọ́nwhe osẹ́n tọn whepo do diọada yì linlinzọ́n mẹ to 2004. E sọ yin yinyọnẹn na aihundida to ayọgbe po yovogbe po mẹ. E tọ́n to aihun tele ji Jenifa's Diary tọn mẹ to fihe e daihun taidi Adaku. E lẹzun azọ́nwatọ nuzedonukọnnametọ jẹhọn ji tọn to tintan whenu to whenuena e hopodona Metro FM. E biọ Wazobia FM to nukọnmẹ bosọ tlọn azọ́nwhe lọ to owhe 2019 to whenuena e ko zan owhe widopo (11) po azọ́nwhe lọ po.

E mọ tẹnmẹ yinkọ lọ Lolo1 yí to tito Ladio de tọn ji to whenuena e biọ tẹnmẹ yinkọ de sọn gbẹtọ lẹ si bo gbọnmọ dali de nado kealọyi lolo.

E yin dide do owepa linlinwe de tọn ji na adà La Mode Magazine for July 2017 tọn.

E basi otẹn Ms. Wilson tọn to aihun 2018 tọn de mẹ We Don’t Live Here Anymore gbọn Tope Oshin dali.

To owhe 2020 e basi aihun sinima tintan etọn he yin yiylọdọ When Love is not Enough. Aihun lọ yin anadena gbọn Okiki Afolayan dali.

E yin lila taidi afọzedaitọ tintan Awabah, Micro Pensions company tọn.

Ajọ̀ po ayidonugo po

• Nigerian Broadcasters Merit Award for Outstanding Radio Program Presenter- Lagos.

Gbẹzan mẹdetiti tọn

E yin Onọ̀ godoponọ he tindo visunnu atọ̀n (3) po viyọnnu dopo po.