Lola Margaret
Lola Margaret (mẹhe yinkọ etọn to gigọ́ mẹ wẹ Lola Margaret Oladipupo) yin yọnnu aihundatọ otò Naijilia tọn dé, sinima-bayitọ po anadenanutọ dé po. To owhe 1999 mẹ, Lola hẹn mẹjitọ etọn lẹ bu to oku mẹ, ehe wẹ zọn bọ e dó yindọ mẹdaho etọn dè wẹ e zan jọja whenu etọn lẹpo te, azọ́n etọn wá yin ayidego taun to whenue e sọawuhia bosọ yin tlọntlọngbọn to aihundida dé he nọ yin Bisola Alanu mẹ.
Bẹjẹeji gbẹzan po wepinplọn etọn po[jlado | jla asisado]
Lola yin jiji to Ilesa, tòdaho dé he tin to Ayimatẹn Osun tọn to Hùwaji-Whèyihọ tọn to otò Naijilia tọn mẹ fie e yi wehọmẹ dokọ̀ tọn po wehọmẹ daho etọn fo te. E mọ gbedewema Bachelor of Arts yí to History po International Relations po mẹ to whenuena e plọnnu fo to Wehọmẹ Alavọ Awọnlin tọn mẹ.
Azọn etọn[jlado | jla asisado]
Azọ́n aihundida Lola Margaret tọn bẹjẹeji to whenue e pe Bolaji Amusan po godo, he yin aihundatọ nukikodonamẹtọ otò Naijilia tọn dé he dó azọ́n aihundida tọn hia ẹ. Azọ́n etọn wa yin ayidego taun to whenue e sọawuhia bosọ yin tlọntlọngbọn to aihundida dé he nọ yin Bisola Alanu mẹ. Lola ko sọ sọawuhia to sinima susu lẹ taidi Eyin Akuko po Omo Oloro po mẹ, aihun dé he e deanana bo zán mẹdelẹ taidi Fathia Balogun po Mercy Aigbe po.
Gbẹzan mẹdetiti tọn etọn[jlado | jla asisado]
To azan wiawetọ, Ayidosun, owhe 2017 tọn mẹ, ponọ Atlanta tọn lẹ wle e na nuyiwa mẹhodu tọn he e basi wutu. Margaret yin wiwle na nuhe yin didọ gbọn mẹsusu dali gándego dọ akuẹ susugege dé yin súsú dó akuẹsẹdotẹn etọn mẹ bọ e tẹnpọn nado yi akuẹ lọ sọn akuẹsẹdotẹn etọn mẹ, enẹ lọ wẹ zọn bọ yé do wle e. Ṣigba to ojlẹ vude godo, ponọ lẹ jó e bo yan ẹn lẹkọ do otò Naijilia tọn mẹ bọ e yin didọ gándego dọ Ibadan wẹ e te todin, bo ma sọ tindo nude ba.
Delẹ to aihundida etọn lẹ mẹ[jlado | jla asisado]
- Bisola Alanu, 2014
- Eyin Akuko, 2008
- Omo Oloro, 2016
- Agbara Ife (The Power of Love), 2016