Kelvin Ikeduba

Sọn Wikipedia
Jump to navigation Jump to search

Kelvin Ngozi Ikeduba  (yin jiji to azán ko-nukundopotọ Avivosun, owhe 1976 tọn) yín aihúndatọ Naijilia tọn de he mọ ajọ̀ Aihúndatọ Adà omẹ-awè-yiwatọ Hugan de tọn (Best Cross Over Actor) to Ajọ̀ Ogbẹ́ Aihúndida Ayọgbe Tọn (Yoruba Movie Academy Awards)

Bẹjẹeji gbẹzán etọn tọn[jlado | jla asisado]

Mahopọnna dọ Ikeduba yín Delta-nù dé, Ebute-Meta wẹ e yín jiji do to Ayimatẹn Awọnlin tọn , enẹ wẹ Lẹdo Agéwaji-whèyihọ tọn de to togbó Naijilia tọn he bẹ omẹ he nọ dó Ayọgbe lẹ hẹn podọ e wá sọn whẹ̀ndo omẹ ṣidopo tọn de mẹ-enẹwẹ oví sunnu awè, oví yọnnu awè, otọ́ po onọ̀ po, podọ uwọ wẹ yin [[ovi] mẹho. Ikeduba yin pinplọ́n whẹ́n sọn ovú to Ayimatẹn Awọnlin tọn to Olokodana to Ebute-Metta.

Wepinplọn etọn[jlado | jla asisado]

Awọnlin wẹ Ikeduba yì wehọmẹ dokọ tọn po wehọmẹ daho po te amọ na ojlo etọn nado mọ gbedewéma wehọmẹ alavọ tọn de yí wutu, e sẹtẹn jẹ todahó Benin tọn, lẹ̀do de he tin to agbegbe huwají tọn to Naijilia, finẹ wẹ e wá basi obiọ nado biọ Wehọmẹ Alavọ tọn Benin tọn nado plọ́n Nulinlẹn Ahì Tọn (Economics).

Nuhe e de nado wà[jlado | jla asisado]

To hókansèmẹ de whenu hẹ Linlinhọsa Naijilia tọn Vanguard, Ikeduba dọ emi biọ Ogbẹ́ Aihúndida Naijilia tọn mẹ to owhe 2000 tọn. E basi zẹẹmẹ Aihúndagbẹ́ lọ mẹ bibiọ etọn tọn taidi kosọ de poun na to tintan whenu e jlo na hodo họntọn de yì fihe yé jlo na yi aihúndida dó kanji te wẹ ṣigba to whenue yé jẹ filọ e biọ dọ emi lọsu ni yi adà kleun de wà enẹgodo yé naẹn ada de to aihúndida devo mẹ nado wleawuna. Nugopipe Ikeduba tọn nado dó bosọ mọnukunjẹ ogbè atọ̀n he nọ yín dido hugan to Naijilia lẹ mẹ ko yidogọna nukọnyiyi Aihúndida tọn etọn. Ikeduba bẹ azọ́n aihúndida tọn etọn jẹeji po glẹnsigbe pò hẹ Aihúndagbẹ́ Naijilia tọn Nollywood bosọ lìn biọ aihúndagbẹ́ Ayọgbe tọn mẹ to enẹgodo po alọgọ Femi Ogedengbe tọn po mẹhe do e hia Saheed Balogun bọ e dè adà de na ẹn nado wleawuna to filmu Ayọgbe tọn etọn he yin 'Ọmọ Alhaja' mẹ.

To Aihúndagbẹ́ Naijilia tọn mẹ, Ikeduba yin yinyọnẹn taidi Dẹpẹ Zingidi nọ de na adà he e nọ yiwa lẹ wutu.

Ajọ̀ he e mọ̀ yí lẹ[jlado | jla asisado]

Owhe Ajọ̀ Adà Aihún kọdetọn
2014 Yoruba Movie Academy Awards (YMAA) Best Cross Over Actor mọ ẹn yí
2020 Best of Nollywood Awards Best Actor in a Supporting Role (Yoruba) Lucifer mọ ẹn yí

Ogbè[jlado | jla asisado]

Ikeduba do nunina gbè sise tọn taun na e sọgan do Ogbè atọ̀n he nọ yin dido hugan to Naijilia lẹ enẹwẹ Ayọgbe, Hausa-gbé po Ibo-gbe po gọna Glẹnsigbe he yin ogbè jọnùn Naijilia tọn.

Delẹ to filmu etọn lẹ mẹ[jlado | jla asisado]

  • Son of Mercy (2020)
  • Edo Decree 1440 (2018)
  • Igbeyawo Arúgbó (2010)
  • Owowunmi (2010)
  • Atunida Leyi (2009)
  • Esin Obinrin (2009)
  • Critical Truth (2008) taidi Emeka
  • Kiss The Dust (2008)taidi Baba Books
  • Laroda Ojo (2008)taidi Shola
  • Mafi Wonmi (2008)
  • My Darling Princess (2008)
  • Ghetto Queen (2007)
  • Ghetto Language (2006)
  • Last Dance (2006)

Alọdlẹndonu lẹ[jlado | jla asisado]

Nọtẹn devo he ṣáká dopọ hẹ ẹ lẹ[jlado | jla asisado]