Jackie Appiah
Jackie Appiah (he yin jiji to azán 5tọ Avivọsun 1983) yin aihundatọ Ghananu de he yin jiji to Canada. Na azọ́n aihundida etọn wutu ẹ ko mon ajọ̀ susu lẹ yi, gọna ajọ̀ to Best Actress in a Leading Role to 2010 Africa Movie Academy Awards, po Best Actress to supporting Role me na Africa Movie Academy Awards to 2007. E sọ mon ajọ̀ awe yí to Best Actress in leading Role po Best Upcoming Actress to Africa Movie Academy Awards to 2008.
Bẹjẹeji gbẹzan etọn tọn[jlado | jla asisado]
Jackie Appiah yin jiji to Avivọsun 5tọ 1983, to Toronto, Canada. Ewọ wẹ gbọngodo to ovi atòn he mẹjitọ yétọn ji lẹ mẹ. E yin Ghananu Canada na e yin jiji to Toronto wutu. E yin yinyonẹn po yinkọ lọ Appiah po. Appiah wlealọ hẹ Peter Agyemang to 2005 bo tindo ovisunnu dopo. Otọ́ etọn yin Kwabena Appiah (yin novi na Joe Appiah, whedatọ de he yin omẹ nukundeji de to Kumasi he ko damlon to oku mẹ, he nọ no Totonto, Ontario, Canada.
Nudindọn[jlado | jla asisado]
Mẹdelẹ dọ to 2020 dọ̀ Jackie Appiah mọhò na togán Liberia tọn, George Weah. Amọ́, e hẹn ẹn họnwun to adà Instagram tọn etọn ji dọ̀ lalo wẹ ohó enẹ yin to whenue e wlan dọmọ: "Nukiko he nọ hungona lalo lẹ po hopadọ lẹ po".
Agbasazọ́n[jlado | jla asisado]
Appiah jẹ awusọhia ji whẹwhẹ to tele ji to whenue Edward Seddoh Junior, mẹhe kàn Things We Do For Love, ylọ ẹ bọ yí adà Enyonam Blagogee tọn wà to aihun lọ mẹ. Enẹgodo e sọ yí adà de wà to Tentacles, Games People Play, Sun-city gọna aihundida tele ji tọn adà susunọ devo lẹ mẹ.
Appiah flin dọ emi kuwinyán taun whla tintan he emi yì nuyidokànji tẹnmẹ: " Azọnwatẹn Venus Film Production tọn de wẹ, bọ hosọ́ aihun lọ tọn wẹ Devine Love podọ adà Kate he yin omẹ tọntlọngbọ lọ tọn wẹ N'dona yiwa. N'ma di dọ̀ N'wà dagbe sọmọ de. N'sisọ́ amọ́, mẹsusu ma doayi e go. Mahopọnna obu he ji e te, e dọ dọ̀ emi gbẹ do kọdetọn dagbe gbọn homẹ melẹpo tọn hinhẹn hùn dali.
Appiah dọ dọ̀ adà he emi yiwa bo yiwanna wẹ Mummy's Daughter gbọn Venus Films dali. Sinima lọ donu otàn Whedo Bartels tọn go ehe mẹ e yi adà Princess, he yin viyọnnu lọ, tọn wà tẹ. "N'yiwanna aliho he mẹ N'yi adà enẹ lọ wà tẹ taun podọ homẹ ṣie sọ hùn gando e go". Todin, Appiah nọ pọ́n azọnwhẹ sinima tọn pẹvi ehe dọ e ko yinukọn taun. E yì se dọ mẹdevo lẹ na doayi nukọnyiyi mayọnjlẹ etọn go ga.
Nukọnyiyi po Kọdetọn Dagbe po to Nollywood mẹ[jlado | jla asisado]
Appiah ma yin mẹyọyọ de na Nollywood na e ko tindo kọdetọn dagbe susu to sinima Ghananu lẹ tọn etọn mẹ, delẹ to yé mẹ wẹ Beyoncé - The President Daughter, Princess Tyra, Passion of the Soul, Pretty Queen, The Prince's Bride, The King is Mine po The Perfect Picture po.
Sinima Nollywood tọn etọn he diyin taun delẹ wẹ Black Soul and Bitter Blessing, to pọmẹ hẹ aihundatọ Nollywood tọn Ramsey Noah po My Last Wedding, to pọmẹ hẹ aihundatọ Nollywood tọn Emeka Ike po. To 2013, e mọ ajọ̀ Best International Actress tọn to Papyrus Magazine Screen Actors Awards (PAMSAA) 2013 tọn, he ye bayi tó Abuja to Naijilia tẹnmẹ.