Fati Muhammad
Fati Muhammad yin dopo to aihundatọ hoho de he diyin to azọnwhé aihundida lanmẹyiya tọn he to agewaji Naijilia tọn he yin yinyọnẹn ganji taidi Kannywood mẹ.[1][2] E yin alọdlẹndo taidi dopo to aihundatọ Hausa tọn kọdetọn-dagbenọ lẹ mẹ to bẹjẹeji owhe 2000 tọn lẹ glamẹ.
Aihun he e da lẹ
[jlado | jla asisado]Fati bẹ azọ́n aihundida tọn jẹeji to whenue e do numọtolanmẹ lọ to tintan whenu nado biọ azọnwhé aihundida lanmẹyiya tọn mẹ to ovu whenu. E bẹjẹeji po Tahir Muhammad Fagge dido hia dali po, aihundatọ de he yin yinyọnẹn ganji to azọnwhe Kannywood tọn mẹ,[3] gando ojlo etọn na azọnwhé aihundida lanmẹyiya tọn lọ dali. Tahir doe hia Ishaq Sidi Ishaq, mẹhe nọ wa nuhe go e pe lẹpo nado dike gbẹtọ lẹ ni yinwana azọnwhé lọ.[4] Whenenu wẹ Ishaq Sidi Ishaq jẹ dido Fati hia ji to aihun etọn "Da Babu" mẹ, gbẹtọ lẹ wá yọnẹn ganji dọ e yọn whanpẹ bosọ yọn aṣọẹ to whenue e da aihun lọ godo. Ehe dọn aidonugo aihun-basitọ he pò lẹ tọn to azọnwhe lọ he ko zan Fati pludopludo to aihun yetọn mẹ lẹ tọn. Fati ko da aihun susu lẹ. Delẹ to yé mẹ wẹ; Sangaya,[5] Zarge, Marainiya, Garwashi, Tawakkali, Gasa, Abadan Da'iman, Zo mu Zauna, Tangarda, Hujja, Al'ajabi, Halacci, Samodara, Zumunci, Murmushin Alkawari, Gimbiya, Bakandamiya, Taskan Rayuwa, po Babban Gari po. Fati dọ emi ko doalọte nado nọ sọawuhia to aihun lẹ mẹ amọ e gbẹ to aihun basi.[6][7]
Gbẹzan medetiti tọn etọn
[jlado | jla asisado]Fatima wlealọ hẹ aihundatọ-gbẹ etọn Sani Mai Iska, to whenue yé tọ́n sọn azọnwhé aihun tọn lọ, ewọ po asu etọn po sẹtẹn yì London. owhe vude to whenuena alọwle yetọn gbakija godo,[8] Fati lẹkọ do Naijilia. Mahopọnna dọ e lẹkọ, e gbẹ yin alọkẹyi to azọnwhé aihundida lanmẹyiya tọn lọ, amọ e wá doalọte na e mọ diọdo he to azọnwhé lọ lẹ wutu. Fati vọ alọwle, to fihe e da Umaru Kanu, aihundatọ de to azọnwhé Kannywood tọn mẹ he yin mẹdaho na singer Ali Jita. To ojlẹ vude godo alọwle yetọn wá opodo. Fati ma do ovi jọun depope podọ e gbọṣi tlẹnmẹ amọ e tindo sọdodovi sunnu dopo to agọe. E yin nukọntọ na tonudọgbẹ Hope tọn to 2019. Fati ko hẹn ẹn zun yinyọnẹn dọ emi ko doalọ to tonudidọ mẹ.[9]
Alọdlẹndounu lẹ
[jlado | jla asisado]- ↑ "Fati Muhammad [HausaFilms.TV - Kannywood, Fina-finai, Hausa Movies, TV and Celebrities]". hausafilms.tv. Retrieved 2021-02-17.
- ↑ "...Daga Bakin Mai Ita Tare da Fati Muhammad". BBC News Hausa. 2021-02-11. Retrieved 2021-02-17.
- ↑ "Tahir M. Fagge". IMDb. Retrieved 2021-02-17.
- ↑ Sidi Ishaq, Ishaq. "My journey as a filmmaker – Ishaq Sidi Ishaq". Daily Trust (Interview). Retrieved 2021-02-17.
- ↑ Bala, Bashir; Dodo, Hauwa Ali; Nuhu, Ali (2000), Sangaya. the great movie from the movies [1] [1, Kano: Sarauniya Films, OCLC 634621088, retrieved 2021-02-17
- ↑ "I've retired from acting – Fati Mohammed". Blueprint Newspaper (Interview). 2014-07-07. Retrieved 2021-02-17.
- ↑ Musa, Aisha (2021-02-11). "Ban bar harkar fim don na fi karfinta ba, Fati Muhammad" [I did not leave the film industry because I was too strong for it, Fati Muhammad explained her reason for leaving Kannywood]. Legit.ng. Retrieved 2021-02-17.
- ↑ Blueprint (2017-07-24). "I'm successful but not lucky with marriage – Fati Mohammed". Blueprint Newspapers Limited. Retrieved 2021-02-17.
- ↑ "Fati Muhammad: Ina Hada Sana'ar Fina-Finai Da Siyasa". VOA. Retrieved 2021-02-17.