Eléphant Mouillé
|
This article is written in Gun (Gungbe) |
Pierre Zinko (yín Jiji tó owhe 1969), e yin mẹhe gbẹtọ lẹ yọnẹ́n ganji po tẹnmẹyinkọ lọ Eléphant Mouillé po, e yin hànjitọ otò Benẹ tọn de, bosọ yin aihundatọ nukikodonamẹtọ tele ji tọn de. E yin dopo to ogbẹ́ he do azọnwhé aihundida nupinpọn-do-plọnnu tọn he nọ yin Sèmako Wobaho tọn ai.
Gbẹzan etọn[jlado | jla asisado]
Zinko yin jiji to owhe 1969 mẹ to otò he nọ yin Bohicon to togbo Benẹ tọn mẹ.
Azọn etọn[jlado | jla asisado]
To whenuena e yin owhe wiawemẹvi, Zinko jẹ azọ́n zòkẹ̀kẹ́ jijlado tọn plọn ji. Whenẹnu wẹ e sọ nọ yì daihun to agọ́tẹn lẹ. To owhe 1986 tọn mẹ, e fó azọ́n pinplọn etọn bo yí gbedewema to azọ́n zòkẹ̀ké jijlado tọn mẹ. Enẹgodo, Eléphant Mouillé lẹkọ do Cotonou nado yì do azọ́nwatẹn zòkẹ̀ké jijlado tọn etọn ai. Ṣigba to whenue e jẹ dọ́n, e mọ Pipi Wobaho bọ yé sọ vọ azọ́n aihundida nuplọn-do-plọnnu tọn jẹeji. To Owhe 1996 tọn mẹ, Eléphant Mouillé po họntọn vivẹ etọn Simplice Behanzin he ye nọ ylọdọ Pipi Wobaho po do aihundagbẹ́ yetọn ai bo nọ ylọẹ dọ "Sèmako Wobaho Theater and cinema company" ehe hẹn nukun hunhun po yindidi po wá na azọ́n Aihundida nuplọn-do-plọnnu to otò Benẹ tọn mẹ. Pọ́jijẹ yetọn zọn bọ aihun sinimọto tọn yeton gbayipe to otò Benẹ tọn mẹ podọ to otò he sẹpọ ẹ lẹ lọsu mẹ. Na pọ́ninọ yetọn wutu, To Owhe 2010 tọn mẹ, yé yí gigopanamẹnu susu lẹ to azọnwhé tele tọn lẹ po hùnwhẹ he yin dudu to Owhe lọ mẹ po si yedọ "Hùnwhẹ Azán Mẹyugbeji Tọn" (Africa Day). Aihundida yetọn to hùnwhẹ lọ mẹ hẹn gigopanamẹnu susu lẹ wá na yé podọ na Benẹ ga. To owhe 2008 tọn mẹ, yé basi aihun he diyin de yèdọ If it was you. To Owhe 2012 tọn mẹ, ogbẹ́ lọ basi aihun de he yin Capricious Apprentice. To Owhe 2013 tọn mẹ, ogbẹ́ lọ gbà bọ yé jẹ voovo. Aihun he hugan 500 mẹ wẹ Eléphant Mouillé ko tọ́n te to Benẹ. Sọn Owhe 1986 jẹ owhe 2019 tọn mẹ, aihundida etọn ko zọn bọ e ko mọ gigopanamẹnu he hugan kanweko yí bo tọ́n to video ohàn tọn 200 mẹ. E sọ tọ́n to aihundida tele ji tọn he sọ Kande-nukundopo (41) mẹ, ewọ wẹ sọ kàn bosọ deanana ko (20) to emẹ. To owhe 2019 tọn mẹ wẹ e basi hùnwhẹ owhe koatọ́ntọ he e ko to azọ́n aihundida nuplọn-do-plọnnu tọn wà.