Dino Melaye
| Dino Melaye | |||
| |||
| Nudọnamẹ Mẹdetiti Tọn | |||
| Jijizan | 1 Alunlunsun 1974 | ||
Dino Melaye (yin jiji to a zán tintan Alunlunsun owhe 1974) Yin Sẹnnamẹtọ Naijilia vijiji dé. Eyin Sẹnnamẹtọ he nọ penukundo Vodidi Ayimatẹn Kogi tọn go to wheyihọ-waji,Todin to tonudọgbẹ People's Democratic party (PDP) Whẹpo whẹdatẹn vivọylọ dó ho Otẹn lọ yi sọn e si, E pàṣẹ dọ ovo vivọdi dona tin to Uwọ po Sẹnnamẹtọ Smart Adéyẹmí to Tonudọgbẹ All Progressive Congress (APC) po ṣẹnṣẹn to owhe 2019.
Wehọmẹ po ovu whenu etọn po[jlado | jla asisado]
Daniel Dino Melaye yin jiji to Ayimatẹn Kano tọn mẹ to Togbo Naijilia tọn mẹ. É yi wehọmẹ daho Command and Air-Force tọn to Kaduna. É zindonukọn to wehihia Etọn mẹ to wehọmẹ Alavọ Ahmadu Bello tọn to Zaria to fihe e hiawe dogbọn Oyọnẹn lẹdo tọn (Geography) to owhe 2000. To whenuena é to wehọmẹ Alavọ tọn mẹ, E yin Anadenanutọ na wehọmẹvigbẹ etọn lẹ tọn. Enẹgodo e yin dide taidi wekantọ daho na Ogbẹ African Youth Council tọn, Mọdopolọ e sọ yin wekantọ Ọgbẹ Common Wealth Youth Council tọn. Togbogan Oluṣẹgun Ọbásanjọ́ de e do Hagbẹ Ayinamẹtọ Presidential Advisory Council on Youths to gandudu etọn whenu.
Gbẹzan tonudidọ etọn[jlado | jla asisado]
Dino Melaye yin Ogbẹvi Hoyidọtọ sẹnnamẹtọ (House of Representatives) de he to tẹnpọnna Vodidi Kanna/Ijunu to Ayimatẹn Kogi tọn. To Owhe 2015, ye dé e taidi Sẹnnamẹtọ Daho (Senate) to wheyihọ-waji Ayimatẹn Kogi tọn to Tonudọgbẹ All Progressive Congress tọn glọ. Dino Melaye Yin Dopo to mẹhe nọgodona Bukọla Saraki he yin Ogan na Hagbẹ Sẹnnamẹtọ Daho dile Etlẹ yindọ Tonudọgbẹ All Progressive Congress ma nọgodona ẹn. To Owhe 2019, Dino Melaye po Bukọla Saraki po dagbẹ devo lẹ po tọ́n sọn Tonudọgbẹ All Progressive Congress tọn mẹ, bọ kọnawudopọ hẹ Tonudọgbẹ People's Democratic party tọn. Ewọ po Saraki po whlẹnagba to Tonudọgbẹ (PDP) tọn glọ, Saraki ma yin dide ṣigba Dino Melaye yin dide Whẹpo whẹdatẹn vivọylọ do ho e yi sọn e si, E paṣẹ na Ovo vivọdi po Smart Adéyẹmí he tin to tonudọgbẹ All Progressive Congress tọn glọ.