Bukọla Saraki
| Bukọla Saraki | |||
| |||
| Nudọnamẹ Mẹdetiti Tọn | |||
| Jijizan | 19 Awewesun 1962 | ||
Olubukọla Abubakar Saraki (he yé ji to azan koewhedopotọ osun wiawetọ owhe 1962 tọn) yin tohodọtọ dé po Ogán po na Azọnwhe wedegbẹ sẹndoaitọ lẹ tọn po to otò Naijilia tọn mẹ. Ayimatẹn Kwara tọn mẹ wẹ e sọn. e sọ dù Ayimatẹngan Kwara tọn pọn na owhe ṣiatọn blebu, e bẹsọn 2003 jẹ 2011 to Tohodidọgbẹ wehẹnọ he yin (People's Democratic Party). To whenuena e zan saa etọn po taidi Ayimatẹngan dé to 2011 wẹ yé sọ vọ yi ovo dó dée yi Azọnwhe wedegbẹ sẹndoaitọ lẹ tọn to Ayimatẹn Kwara tọn mẹ. Enẹgodo ovo devo sọ dee to 2015 to Tohodidọgbẹ All Progressive Congress(APC) glọ. E vọ ovo devo basi to owhe 2019 nado lẹkọ dó Azọnwhe wedegbẹ sẹndoaitọ lẹ tọn lọ Amọ e ma pa ẹ. E sọ gbọ bọ lẹkọ dó Tohodidọgbẹ etọn dai tọn mẹ enẹ wẹ People's Democratic Party(PDP). E sọ gbẹ tẹnpọn nado dù Otògan Naijilia tọn, ṣigba ovo he yé do jẹnukọn lọ ma yí uwọ. Atiku Abubakar wẹ ogbẹ PDP lọ yí to whelọnu.
Gbẹzan etọn, jọja whenu etọn, po wehihia etọn po[jlado | jla asisado]
Yé ji Bukọla Saraki to owhe 1962 to Yivotomẹ (United Kingdom). Tohodọtọ Daho de po Sinetọ de po we Otọ he jii. Oluṣọla wẹ e nọ yin bo dù Sinetọ sọn owhe 1979 jẹ 1983. Florence Morẹnikẹ Saraki wẹ Onọ etọn nọ yin. E dohia dọ whẹndo mẹjọmẹ tọn dé mẹ wẹ e tọn sọn. To whenuena e bẹ wepinplọn jẹeji e yi Corona School to Victoria Island he to Ayimatẹn Awọnlin tọn mẹ. Whẹpo do wayi Kings College to Awọnlin dopolọ to owhe 1973 jẹ 1978. Enẹgodo e gbẹ zindonukọn to nupinplọn etọn mẹ to Cheltenham College he to otò United Kingdom tọn mẹ sọn 1979 jẹ 1981, finẹ wẹ e yi gbedewema Wehọmẹ Alavọ tọn etọn tẹ. E sọ zindonukọn dogọ to London Hospital Medical College of the University of London to 1982 key 1987, finẹ wẹ e yi gbedewema dé he dohia dọ e ko lẹzun Doto dé te MBBS(London).
Gbẹzan mẹdetiti tọn etọn[jlado | jla asisado]
Toyin Saraki wẹ Asi etọn nọ yin, Ovi ẹnẹ wẹ e ji na ẹn. To whenuena e gbẹ yin Ayimatẹngan dé wẹ Fulani lẹ yii dó dù Akọtagan yetọn. Ahọlu Ilọrin tọn sọ yìí dó dù Ogán he yé nọ ylọdọ Waziri he taidi (Prime Minister), Baba etọn wẹ ko dù Ogán ehe lọ dai. Enẹgodo Ahọlu Ibadan ton Saliu Adetunji sọ yìí dó dù Ogán dé he yé nọ ylọdọ Ajagunna to Ibadan tomẹ to owhe 2017.