Bola Tinubu

Gun

(Gungbe)

Gun (Bénin)

Cet article est écrit en Gun (Gungbe) This article is written in Gun (Gungbe)

Bola Tinubu (2011)

Bola Ahmed Adekunle Tinubu (he yin jiji to 29 Whejisun 1952) yin tonudọtọ Nigeria tọn de he yin Togán 16tọ po Togán Nigeria tọn todin po. E yin ayimatẹn-gán Awọnlin tọn dai tọn de. E wadevizọn taidi osẹ́n-doaitọ de na Whèyihọ-waji Awọnlin tọn to ojlẹ he nọ yin yiylọdọ "Gandudu togán dopo tọn Atọ̀ntọ" mẹ.

Otàn gbẹzan tọn

Tinubu yin jiji to 29 Whejisun 1952 to Ayimatẹn Osun tọn mẹ, to Nigeria. E bẹ wehọmẹ tintan etọn jẹeji to St. John’s Primary School, to Aroloya to Awọnlin, podọ to godo mẹ to Children’s Home School to Ibadan. E plọnnu to Richard J. Daley College to Chicago to Illinois, podọ e sọ plọnnu to Wehọmẹ Alavọ Chicago tọn (Chicago State University) to 1975 fie e mọ gbedewema tintan wehọmẹ alavọ tọn yí to Kandai akuẹzinzan tọn bibasi mẹ te to 1979.

To 8 Ayidosun 2022, Tinubu duto vòbibla tintan he tin to ogbẹ́ tonudidọ tọn he to gandu he nọ yin yiylọdọ All Progressives Congress (APC) mẹ ji nado de agbàwhlẹntọ yetọn na otẹn togán tọn, gbọn vòbibla 1,271 mimọyi dali, podọ e gbawhàn Mẹbọdo-togán-go Yemi Osinbajo tọn he mọ vòbibla 235 yí bo gbawhàn Rotimi Amaechi tọn he mọ vòbibla 316 yí.