Bob-Manuel Udokwu

Bob-Manuel Obidimma Udokwu (mẹhe yin jiji to azan fọtọ̀n-nukunatọ̀n Lidosun 1968) yin Aihundatọ, Anadena aihuntọ, Aihun basitọ po Tohodọtọ de po to Naijilia. To 2014, e yin gigopana na azọ́n he e ko wà lẹ to nuwiwa he yin Africa Movie Academy Awards aotọ whenu bo yin nina gigopanamẹnu de. Ṣigba jẹnukọnna enẹ, e ko yin yẹyidogona to 2013 to aihun he e da hẹ aihungbẹ́ etọn de mẹ, bọ to Nollywood Movies Awards whenu e yi gigopanamẹnu lọ, aihun he mẹ e wazọ́n te taun lọ wẹ Adesuwa.

Gbẹzan etọn

Bob-Manuel Udokwu wá sọn Nkwelle-Ogidi, to pọnla Idemmili North tọn mẹ to Ayimatẹn Anambra tọn, to otò Naijilia tọn mẹ. Akọ̀ Igbo tọn mẹ wẹ e wá sọn. Otọ́ etọn nọ yin Geoffrey Nwafor Udokwu bọ onọ̀ etọn nọ yin Ezelagbo Udokwu. Ayimatẹn Enugu tọn mẹ wẹ e yin jiji do. Ewọ wẹ ovi ẹnẹtọ to ovi ṣidopo he otọ́ etọn ji lẹ mẹ bo sọ yin ovi sunnu awetọ. Ovi sunnu atọn po viyọnnu awe po wẹ to whẹndo yetọn mẹ.

Wehihia etọn

E yì wehọmẹ bẹjẹeji tọn etọn to St. Peters Primary School (he wá nọ yin yiylọ todin dọ Hillside Primary School) to Coal Camp, to Ayimatẹn Enugu tọn bo yì Oraukwu Grammar School, to Oraukwu, he tin to Ayimatẹn Anambra tọn na wehọmẹ daho etọn. Enẹgodo e yì wehọmẹ Alavọ tọn University of Port Harcourt, to Port Harcourt, Ayimatẹn Rivers tọn fie e yí Gbedewema Bachelors of Arts Degree tọn te to Theatre Arts mẹ.

Gbẹzan mẹdetiti tọn

Udokwu mọ mẹhe wá lẹzun asi etọn he nọ yin Cassandra Joseph to whenue e to wehia dogọ nado yí gbedewema daho etọn to Wehọmẹ Alavọ Ayimatẹ̀n Awọnlin tọn. Enẹgodo yé wlealọ to azán koewhedopotọ, Afínplọsun owhe 2000 tọn. Yé jivi awe, yọnnu dopo, sunnu dopo, yọnnu lọ nọ yin Elyon Chinaza podọ sunnu lọ nọ yin Marcus Garvey. E do Garvey Udokwu na visunnu etọn na ogán tonudidogbẹ́ tọn yetọn nọ yin Marcus Garvey wutu.

Aihun he e da lẹ

• Living in Bondage
• Rattlesnake
• Karishika
• The Key for Happiness
• Black Maria
• What a World
• Heaven after Hell
• A Time to Love
• Cover Up
• Endless Tears
• Naked Sin
• My Time
• Home Apart
• Games Men Play
• Soul Engagement
• Living in Bondage: Breaking Free