Atta Bafarawa/guw-bj
|
Cet article est écrit en Gun (Bénin) |
Attahiru Dalhatu Bafarawa (nyi jiji to azán ɛnɛto abɔ̀húnsun 1954) éwɔ nyí ɖokpó to toxoɖɔtɔ Naijilia tɔn mɛ bo nyí Ayimatɛngan Ayimatɛn Sokoto tɔn to otògbo Naijilia tɔn mɛ sɔ́n azán 29tɔ nuxwàsun 1999 jɛ azán 29tɔ nuxwàsun 2007. É nyí ɖokpó to ogbɛta anyiamɛtɔ otògbo lɔ tɔn to osɛnlixo to oxwe 1994 tɔn mɛ jɛ oxwe 1995 to ojlɛ ganɖuɖu ahwanfuntɔ Sanni Abacha tɔn mɛ. éwɔ wɛ nyí dówatɔ ogbɛta United Nigeria Congress Party ton (UNCP) to oxwe 1998 tɔn mɛ bo lɛzun Ayimatɛngan Ayimatɛn Sokoto tɔn to oxwe 1999 tɔn mɛ.
Todin, é byɔ́ ogbɛta All Nigeria People's Party (ANPP) tɔn mɛ bo wa nyí ɖiɖé to ogbɛta ANPP tɔn mɛ to oxwe 2003, To osun atɔntɔ oxwe 2002 tɔn wɛ éwɔ nyí ɖiɖé to oxwexɔsa sxaria tɔn to Sokoto bɔ é ná meɖékannujɛ omɛ oxwe gbanatɔnmɛvi ɖé xe yěnɔ ylɔ ɖɔ Safiya Hussaini xe koto gankpamɛ bɔ yě ɖa oku hwɛnaɛn gbɔn agandǐndlandóxu dali to hwenuena yě ko ɖa okuhwenaɛn ná é ma kealɔyi osen Sharia tɔn lɔ.
To Ohwɛɖɔxɔsa Bafarawa tɔn mɛ Ayimatɛn lɔ tindó agayiyi ɖébɔdóɖégo tɔn ɖélɛ tayiɖi Alixo ɖagbe lɛ, Wexɔmɛ lɛ jijladó bosɔ hɛn wekpinkplɔ́n zun nǔjɔnǔ kpó wekpinkplɔ́n mɛxomɛ lɛ tɔn kpó wa ayimɛ to alixo jɔwamɔ tɔn kpó sinsɛn Malenu lɛ tɔn kpó lixo. Toxɔluɖuta lɔ gba Maleho kanɖégban, bo wleawuna asisa osinnunun tɔn lɛ ná tovi lɛ gbɔn osindó lɛ kunkun dali.
Azɔngban godo tɔn lɛ
[jlado | jla asisado]Attahiru Bafarawa nyí dówatɔ ogbɛta lɔ, (DPP) Democratic People's Party tɔn bo nyí azinkpónɔ ná ogbɛ lɔ to oxwe 2007 bo nyí voblana tayiɖi togan otògbo Naijilia tɔn, é wa lɛzun afozéɖayǐtɔ mɛɖéhlan Ayimatɛn mima Washington DC tɔn xe dókpàgbe ɖɔ emi sunsun ogbɛta Niger Delta tɔn sɛ sɔ́n aimɛ (NDDC), ewɔ dódó ényi émi sɔgan nyí ɖiɖé tayiɖi otogan émi ná sunsun ogbɛ gblezɔn walɔ ylankan tɔn énɛlɛ sɛ sɔ́n aimɛ, ná awugblemɛnu wɛ ényi ná tovi lɛ.