Angélique Kidjo/guw-bj

Gun (Bénin)

Gun (Gungbe)

Cet article est écrit en Gun (Bénin)

Angélique Kidjo

Angélique Kpasseloko Hinto Hounsinou Kanjo Manta Zogbin Kidjo, xe nyí jiji to azán wiɛnɛtɔ Liyasun, oxwe 1960 tɔn, nyí hànsinɔ, hànkantɔ, aihundatɔ kpóɖɔ avunlɔnyina jlɔjɛ gbɛtɔ́vi lɛ tɔn tɔ xe nyí nyínywɛ gbɔn acà voovo xe é nɔ yizan nádó kpa ohàn étɔn lɛ te. To oxwe 2007, xojlawema Time Magazine ylɔɛɖɔ Africa's premier diva xe zɛɛmɛ dó nyɔ́nu hansinɔ klandóvo Aflika tɔn. Angélique jihan to aihundida lanmɛyiya tɔn xe nyí Tokyo 2020 Olympic games to azán konǔkunnatɔntɔ Liyasun Oxwe 2021. Ɖélɛ to ohàn xe ze nyíkɔ Kidjo tɔn dó àga wɛ; Agolo, we we, Adouma, wombo Lombo, Aflika, Batonga kpódó Malaika kpó. Kidjo nɔ dó ogbè voovo atɔ́n (5), yéɖɔ: Fɔngbe, Flansegbe, Ayɔgbe, Gɛngbe kpó Glɛnsigbe kpó. é sɔ kpénugo nádó jihàn to ogbè éxelɛ mɛ ganji. Kidjo nɔ yawu zan nuxixo zɛnlin Benɛ tɔn to húngbe étɔn lɛ mɛ.

Paris

Hwenuena Kidjo to azɔ̌n wá nádó su wexɔmɛkwɛ étɔn, é kplɔ́n hanjiji to CIM, hanjixwe Jazz tɔn xe dó nyíkɔ tawun to otò Paris tɔn mɛ. Flɛn wɛ é mɔ hànjitɔ kpó hànkpatɔ Jean Hebrail mɛxe é ji ohàn étɔn susu kpó é kpó bosɔ wlealɔ xɛɛ to oxwe 1987. É sɔ bayi agban xe yè nɔ ylɔ ɖɔ parakou ná hànjixwe Open Jazz Label.

Otàn vuhwenu étɔn tɔn

Angélique Kidjo nyí jiji to gbètato Ouidah tɔn to Benɛ yigbaji. Otɔ́ étɔn tlɔn Fɔnugbéji to Ouidah kpóɖɔ ɔnɔ étɔn tlɔn Ayɔnugbéji. Hwenuena Kidjo to ovu, é nyíwǎnna Benɛ sìn ohàn xoxohwenu tɔn lɛ, Miriama Makeba, Hugh Masakela, James Brown, Manu Dibango, Otis Redding, Jimi Hendrix, Stvie Wonder, Osibisa kpódó Santana kpó. Hwenue é dó oxwe cidókpó, é jɛ aihunɖa kpó onɔ étɔn sìn hanjigbɛ kpó, éxe ɖike Kidjo dó nyíwǎnna aca hanjiji kpó weɖuɖu otò étɔn mɛ tɔn. Kidjo jɛ hanji ji to hanjigbɛ wexɔmɛ étɔn tɔn Les Sphinx bo sɔ dó kɔɖétɔn ɖagbe tayiɖi joja dè ná akpajlɛ̌ Mariam Makeba Les Trois Z tɔn xe é xodó bɔ yé sɔ ji ohàn lɔ to laɖio otò tɔn ji. To fifonǔ oxwe 1980 tɔn, Kidjo ko lɛzun hansinɔ nukúnɖéji to otò Paris tɔn mɛ.

Agbán Angélique Kidjo tɔn lɛ

Parakou, Kidjo sìn agbán tintan xe yi togodo, parakou nyí ɖiɖé tɔ́n to oxwe 1989, éxe godo wɛ é ji ohàn ɖevo lɛ kpó hànkpatɔ Jean Hebrail kpó Jasper var't Hof kpó.

Aye

Agbán Aye nyí zize jɛ gbonǔ to oxwe 1994 gbɔn alɔ David Z to Prince's Paisley park studio to Minneapolis to London. Agbán dókpólo mɛ wɛ ohàn Agolo jɛ viɖéo étɔn nyí anaɖéna gbɔn Michael Meyer dali.