Akinwumi Isola
| Sunnu kavi yọnnu | sunnu  |
|---|---|
| Otò he mẹ e wá sọn | Naijilia |
| Jijizan | 24 Awewesun 1939 |
| Fie e yin jiji te | Ibadan |
| Okúzán | 17 Afínplọsun 2018 |
| Writing language | ayọnu gbe |
| Azọ́n etọn | playwright, aihundatọ, weyọnẹntọ |
| Employer | University of Georgia |
| Educated at | University of Lagos, University of Ibadan, Wesley College, Ibadan |
Akinwumi Isola yin jiji to azán ko-nukunẹnẹtọ Awewesun 1939. E Basi matintọ to azán fọtọ̀n-nukunatọ̀ntọ Afínplọsun 2018. Eyin Naijilia vijiji, otàn-kantọ, aihundatọ podọ é sọ nọ ze aṣa susu lẹ daga. Eyin yinyọnen gbọn aihọn lọ blebu mẹ na oyọnẹn wekinkan tọn etọn po lehe e nọ ze aṣa ayọgbe tọn daga do.
Otàn gbẹzan po azọ́n etọn lẹ
[jlado | jla asisado]Isola yin jiji to Ibadan tomẹ to owhe 1939 tọn. E yi wehọmẹ bẹjẹeji tọn Labode Methodist tọn po wehọmẹ daho Wesley tọn. Mọdopolọ eyi wehọmẹ alavọ tọn to Ibadan (University of Ibadan) finẹ wẹ e dugan B.A tọn te to oyọnẹn flansegbe tọn mẹ. E hiawe bo yi gbedewema na oyọnẹn dodinnanutọn to owe ayọgbe tọn lẹ mẹ to wehọmẹ mẹho lẹ tọn to Awọnlin tomẹ (University of Lagos) to owhe 1978 whẹpo e do bẹ azọn meplọntọ tọn to wehọmẹ alavọ (Obafemi Awólọ́wọ̀ University)tọn to Ilé-Ifẹ. Akinwunmi Isola sọ yin Nina ogantẹn to Ile-Ifẹ to owhe 1991 di ohia meyinọnẹn tọn na azọn Aihundida he e Kan whla tintan to owhe 1961 jẹ 1962, Ẹnẹ Efunsetan Aniwura to whenue e gbẹyin wehọmẹvi to wehọmẹ daho Ibadan tọn. Enẹgodo e Kan owe Aihundida tọn de he nọ yin Oleku to owhe 1986. Ewọ wẹ sọ kan ohan awujinamẹ tọn he nọ yin jiji to wehọmẹ daho Ibadan tọn kakajẹ egbehe. Gbọnvona owe otangblo he tin to aga ehe Lẹ, e zindonukọn bo kan owe ajlu whenuho tọn lẹ, owe Aihundida tọn lẹ, otàn hodọnamẹ tọn lẹ po otàn susu hohowhenu tọn lẹ po. Mọdopolọ edlẹnkan wa azọnwhe he nọ basi linlinwe lẹ, bosọ tindo azọnwhe he nọ ze Otàn Aihundida he e kan lẹ tọn to sinnimọto lẹ mẹ. Isola no kan otan susu lẹ do glẹnsigbe mẹ, bo nọ basi lẹdogbedevomẹ etọn do Ayọgbe heyin ogbe edetiti tọn mẹ. Na e tindo ojlo to ayọgbe mẹ taun. To owhe 2000, ye na ẹn gbedewema (National Merit Award And The Fellow Of The Nigeria Accedemy Of Letters) tọn na azọn dagbe etọn lẹ tọn. Mọdopolọ e sọ yin dlapọntọ to wehome alavọ otò Jọjia tọn mẹ (University of Georgia).
Whẹndo etọn lẹ
[jlado | jla asisado]Akinwunmi Isola da asi bo jivi Ẹnẹ
Whenue e basi matintọ
[jlado | jla asisado]Akinwunmi basi matintọ to azán fọtọ̀n-nukunatọ̀ntọ Afínplọsun 2018 bo yin didi do Ibadan to tòdaho Oyo tọn mẹ. Owhe kandegbàn-atọ́n-nukunatọ̀n wẹ Isola whẹpo e do yin matintọ.