Ahi Tejuosho tọn
Ahi Tejuosho tọn yin ahi de he tindo awusọhia egbezangbe tọn de, e tin to ali he tọ́n sọn Ojuelegba yì Itire pá, to lẹdo Yaba tọn to ayimatẹn Awọnlin tọn mẹ, to otò Naijilia tọn mẹ. Ahi lọ yin mimá do adà awe ji (Phase I po Phase II po), e tindo ṣọfu tangan 2,383 to petlezin-nùẹnẹnọ de mẹ podọ ṣọfu 1,251 pẹvi pẹvi devo lẹ, e tindo núdùdù-satẹn 14, zomọ he nọ ze gbẹtọ yìaga ṣinatọ̀n, fie yè nọ gbọn yìaga awe, hùnglintẹn 600, podọ e sọ tindo miyọ́n lẹtliki tọn he ma nọ yawu ṣí, osin, podọ azọ́nwatẹn he nọ penukundo nujijọ miyọ́n tọn go, fie yè nọ penukundo madogánnọ lẹ go te awe, podọ fie yè nọ penukundo yọpọvu lẹ go te dopo.
To owhe delẹ godo he nujijọ miyọ́n tọn de jọ, he hẹn suhugan apadewhe ahi lọ tọn lẹ gble godo, tohọluduta Awọnlin tọn to kọndopọ mẹ hẹ Stormberg Engineering Limited po First Bank of Nigeria po biọ gbekọndopọ de mẹ nado vọ ahi lọ jlado, yé diọ ẹ do ahi daho he yọnwhanpẹ taun de taidi apadewhe tito lọ nado diọ lẹdo Awọnlin tọn zun tòdaho tangan de.
Homọdọdonugo
[jlado | jla asisado]Ahi Tejuosho tọn to ojlẹ de mẹ wayi yin ahi de he mẹ yè sọgan họ̀ núlẹ te yí akuẹ he yin didepò de. Lehe akuẹ ṣọfu lẹ tọn wá yìaga do to whenue ahi lọ yin vivọgbá godo zọn bọ ajọwatọ he ma nọ mọ akuẹ sọmọ lẹ mọhodọdo tohọluduta Awọnlin tọn go gando lehe e dá do whẹho ahi lọ vivọgbá tọn mẹ do go.