Ahọlu AbdulRasheed Adewale Akanbi

AbdulRasheed Adewale Akanbi Oluwo tòpẹvi Iwo tọn hé yin jiji to azán ko-nukundopotọ Ayidosun 1967, to agọe e lẹzun Ahọlu tòpẹvi Iwo tọn tò Ayimatẹn Osun tọn tò Otò Naijilia tọn mẹ.

Léhe é dù Ahọlu gbọ̀n

Ahọvi susu wẹ whlẹn ogantẹn ehe to tòpẹvi Iwo tọn mẹ, whẹpo e tindo kọdetọn dagbe bọ Ahọlu Adewale do jẹ ganzinpo tọgbo etọn lẹ tọn ji to azan ṣinẹnẹtọ osun widopo to owhe 2015 tọn mẹ, whẹndo Molaasan he yin whẹndo Ahọlu Abaasa tọn mẹ wẹ e wa sọn, Otò Canada tọn mẹ wẹ e te bọ yé do de e dọ ewọ wẹ na du Ahọlu iwo tọn.

Ovúwhènù etọn po wepinplọn etọn po

Ahọlu Adewale bẹ wehihia dokọ tọn to wehọmẹ Ọmọlẹwa Nursery and Primary School, Oritamẹfa to tòpẹvi Ibadan tọn mẹ sọn owhe 1972 jẹ 1978, ezindonukọn yijẹ Iwo Grammar School, Ararọmi wẹ yinkọ Iwo tọn sọn owhe 1978 jẹ 1982, e zindonukọn dogọ bo yi whehọmẹ daho devo to wehọmẹ ahọlu Akinyẹle Memorial High School Idi-apẹ to Ibadan, e hiawe bo yi gbedewema National Diploma tọn to azọn linlin tọn mẹ tò Polytechnic Ibàdàn sọn owhe 1985 jẹ 1987. Ahọvi Adewale hiawe bo yi gbedewema BSc tọn to oyọnẹn Ajọ wiwa tọn mẹ (Business Administration) to wehọmẹ daho George Brown College tọn to tòdaho Ontario toronto ton mẹ to otò Canada tọn mẹ sọn owhe 2009 jẹ 2015. Azọnwhe susu wẹ Ahọlu Adewale wazọn tè to otò Canada tọn mẹ whẹpo ewọ po whẹndo etọn po dó lẹkọ wa whe nado wa du Ahọlu, otò Canada tọn ehe mẹ wẹ e te bọ yé do de e do mẹhe otò etọn de nado du Ahọlu to owhe 2015 tọn mẹ.