Adunni Ade

Adunni Ade

Adunni Ade yin aihundatọ sinimoto tọn Amẹlika tọn de he wá sọn Naijilia. . E yin jiji to azán 7tọ Ayidosun 1976 tọn to Queens, New York.

Bẹjẹeji gbẹzan etọn tọn po wehihia etọn po

Adunni Ade yin jiji do Queens, to New York, to Otò Pipli Akọta lẹ tọn mẹ (United States). Onọ etọn yin Germany-Irish-nu dé bọ otọ etọn yin Ayọnu to otò Naijilia tọn mẹ. Eyin aihundatọ Nollywood tọn dé bo sọ yin aṣọ jlatọ nukundeji dé ga. E lẹkọ do Naijilia to whenue e to nudi owhe awe mẹvi yin po mẹjitọ etọn lẹ po nado wa ṣiọdidi otọ daho etọn tọn. E yin pinpọn whẹn to Ayimatẹn Awọnlin tọn mẹ, to Otogbo Naijilia tọn mẹ. E nọ Naijilia kaka bo zan aflanwhe etọn po bo lẹkọ do Otò Pipli Akọta lẹ tọn nado yi wehọmẹ Alavọ tọn etọn to dọn. E yi wehọmẹ dókọtọn Chrisland primary school, to Opebi, enẹ to Ayimatẹn Awọnlin tọn mẹ, fihe e yi gbedewema etọn tintan te. E sọ yi gbedewema wehọmẹ daho tọn (SSCE) etọn to wehomẹ daho Bells Comprehensive Secondary School, to Ota, Ayimatẹn Ogun tọn mẹ. Otọ etọn he yin Awọnlin-nu bo sọ yin ajọwatọ daho dé naẹn ayinamẹ nado yi hiawe gándo nulinlẹn (accounting) go. Adunni Ade yi gbedewema daho to nulinlẹn (accounting) mẹ to wehomẹ Alavọ tọn University of Kentucky to 2008. Whẹpo bọ e do lẹkọ do Naijilia mẹ, Adunni Ade wazọn po Ayimatẹ̀n Kentucky po to adà fininọ tọn yetọn mẹ bo dó gọalọna mẹ he ma do họ̀ta lẹ po Ayimatẹ̀n Maryland tọn po to adà Medical Insurance department tọn mẹ nado nọ penukundo nugopipe mẹ lẹ tọn nado mọ pongbọ yi go (Medicare and Medicaid).

Azọ́n etọn

Adunni Ade wazọn to adà fininọ tọn po adà Medical Insurance department tọn po nado nọ penukundo nugopipe mẹ lẹ tọn nado mọ pongbọ yi go (Medicare and Medicaid) to yovotomẹ, whẹpodo lẹkọ do azọnwhe aihundida sinimọto tọn. Adunni biọ azọ́n aṣọdido tọn mẹ bo sọ yin aṣọ jlatọ nukundeji dé ga bọ ehe zọn bọ e tọ́n to otẹn ajọjijla aṣọ tọn Amẹlika tọn (America's Next Top Model). To whenuena e wa Naijilia godo, e de aihun etọn tintan tọ́n to aihundagbẹ ayọnu lẹ tọn glọ he e ylọdọ "You or I" to 2013. Aihun nukikodidonamẹ tọn e tọn tintan he e ylọdọ "Date Gone Bad", yin zize do YouTube ji to 2014, bo dọn aidonugo mẹsusu tọn so mọ bọ gbẹtọ hugan 170,000 wẹ pọn ẹn.

E ko sọ tọ́n to aihun Nollywood tọn susu lẹ mẹ he yin ayọnu tọn lẹ po Glẹnsigbe mẹ tọn po ga. E sọ tọ́n to vidio ohàn tọn Sound Sultan tọn po Ice Prince tọn po mẹ. To 2021, Adunni Ade do azọnwhe aihundida tọn etọn ai he e ylọdọ Lou-Ellen Clara Company Limited bo wa de aihun he ewọ lọsu kan tọ́n he yin SOÓLÈ he mẹ e zan aihuntọ daho daho lẹ te taidi Sola Sobowale, Femi Jacobs, Meg Otanwa, Shawn Faqua, po Lateef Dimeji po. Kayode Kasum wẹ deanana aihun ehe lọ. Soólè biọ sinimahọsa to Azan Konukundopotọ Abọhusun, owhe 2021 tọn bọ to sefifo lọ e hu akuẹ 10.2million naira bọ enẹgodo to osẹ lọ ṣensen yé mọ nayi 16 million naira dogọ to aihun lọ ji. To osẹ ṣiẹnẹtọ godo to sinimahwhe lọ aihun soólè ko hu 51 million naira, bo yin zize do aihun ao he yọn lẹ mẹ to Nollywood sìn sinima lẹ mẹ to 2021.

E sọ yi gigopanamẹnu etọn tintan to Cool Wealth awards taidi Aihundatọ he yọn hugan.

E sọ yi ajọ Stella Award sọn azọnwhe Nigerian Institute of Journalism na vivẹnudido etọn nado ze aṣa Naijilia tọn daga.

To 2017, Adunni Ade lẹzun afọzedaitọ OUD Majestic tọn.

To 2018, e kan bo de aihun he e ylọdọ: "Emi Mi – My Soul" tọ́n, bọ Saheed Balogun sọ deanana ẹn. Aihun lọ bẹ Ibrahim Chatta, D'Marion Young, Sunkanmi Omobolanle, po Shola Kosoko po hẹn.

Owhe enẹ dopolọ mẹ wẹ e basi aihun ayọgbe tọn devo he e ylọẹdọ: "Ewa – Beauty", bọ Saheed Balogun wẹ deanana ẹn bọ Ibrahim Chatta, Yinka Quadri, Kunle Omisore, po Tayo Sobola po sọ tin to emẹ ga. E ko sọ sọawuhia to aihun nayi 100 mẹ to Naijilia he yin Ayọgbe po Glẹnsigbe po.

Gbẹzan mẹdetiti tọn etọn

Adunni do Ovi sunnu awe; D'Marion po Ayden po. E dọ to whenuena emi ko basi dide sinsinyẹ́n lọ nado kladovo sọn otọ Ovi etọn tọn lẹ dè, e mi na to mẹjitọ godoponọ yin zọnmi.

Delẹ to aihun etọn lẹ mẹ

Sinimọto lẹ

• SOÓLÈ 2021 Executive Producer
• The Vendor 2018
• Ratnik 2020
• Mama Drama 2020
• The New Normal 2020
• Iwo tabi emi (You or I) (2013)[19][20]
• What's Within (2014)
• 2nd Honeymoon (2014)
• Head Gone (2015)
• So in Love (2015)
• Schemers (2016)
• Diary of a Lagos Girl (2016)
• For The Wrong Reasons (2016)
• It's Her Day (2016) Aihun ehe zọn bọ yé na ẹn Ajọ Best Supporting Actress in Africa's biggest Movie Awards, AMVCA tọn to 2017. E sọ tọ́nta to Best Supporting Actress Award mẹ to hunwhẹ Aihundatọ Awọnlin tọn lẹ tọn mẹ.
• The Blogger's Wife (2017)
• Guy n Man (2017)
• The Blogger's Wife (2017)
• Guy n Man (2017)
• Boss of All Bosses (2018)
• The Vendor (2018)
• Falz Experience (2018)
• Guyman (2018)
• Heaven on my mind (2018)
• House Of Contention (2019)
• Coincidence (2020)
• Ratnik (2020)
• Mama Drama (2020)
• The New Normal (2020)
• Television
• Behind the Cloud
• Babatunde Diaries
• Jenifa's Diary Season 2
• Sons of the caliphate Season 2

Sọ pọ́n

• Todohukanji Ayọnu lẹ tọn to Naijilia