Jump to content

Adebayo Salami

Sọn Wikipedia
Oga Bello

Adebayo Salami hé ye yọnẹn taidi Oga Bello yin aihundatọ, aihunbasitọ podọ anadena aihuntọ numimọnọ to oto Naijilia tọn mẹ.

Gbẹzan aihundida etọn tọn[jlado | jla asisado]

Salami sìn kúnkan tlọn Kwara tọn, Ṣigba e yin jiji to azan ṣinẹnẹtọ Nuwhàsun 1953 to Ayimatẹn Awọnlin tọn fihe e yi wehọmẹ dokọ tọn po wehọmẹ daho po te. E bẹ azọn aihundida etọn tọn to owhe 1964 podo ogbẹ́ he yé nọ ylọ dọ Young concert Party po, bọ nukọntọ ogbẹ́ lọ tọn nọ yin Ojo Ladipo he gbẹtọ lẹ yọnẹn taidi Baba Mero. To owhè pẹde godo, ogbẹ lọ́ diọ yinkọ lọ dó Ojo Ladipo Theatre Group. Enẹgodo ye sọ diọ ẹ dó Awada Kerikeri Theatre Group. To whenue Ojo Ladipo ku godo to owhe 1978, Salami lẹzun nukọntọ na ogbẹ lọ, ehe hẹn diyìn. Salami sọawuhia to sinimọto ayọgbe tọn etọn tintan he yin Ajani Ogun mẹ. Matintọ́ Adeyemi Afolayan (Ade Love) he yin otọ́ na Kunle Afolayan po Gabriel Afolayan po lọsu sọawuhia to sinimọto lọ mẹ. E sọ daihun to sinimọto Kadara he Adéyemí Afolayan (Ade Love) bayi mẹ. Gbọnvo na enẹ, Salami sọ sọawuhia to aihun nukiko donamẹ tọn he nọ yin Comedy Half Hour fie e zan yinkọ Oga Bello te. Salami bayi sinimọto etọn tintan Ogun Ajaye to owhe 1985 to whenue e to ogbẹ́ Awada Kerikeri tọn mẹ. Sọn owhe 1985 dó jẹ egbehe, E kò bayi bọ ko sọ deanana sinimọto susu lẹ to Ayọgbe mẹ. Salami tin to mẹhe dó ogbẹ́ plipli aihundatọ sinimọto tọn ai lẹ mẹ.

Alọdlẹndounu lẹ[jlado | jla asisado]