Ada Udechukwu
| Sunnu kavi yọnnu | yọnnu  |
|---|---|
| Otò he mẹ e wá sọn | Naijilia |
| Yinkọ | Ada |
| Family name | Udechukwu |
| Jijizan | 1960 |
| Fie e yin jiji te | Enugu |
| Azọ́n etọn | painter, poet, kinkantọ |
| Educated at | University of Nigeria |
| Author | Night story |
| Copyright status as a creator | works protected by copyrights |
Ada Udechukwu (yin jiji to owhe 1960) e yin yẹdetọ Naijilia tọn podo ohó milomilo-kantọ he tindo haṣinṣian podo ogbẹ Nsukka tọn po.
Otàn Gbẹzan etọn tọn
[jlado | jla asisado]E yin jiji to tòdaho Enugu tọn mẹ, Naijilia, Udechukwu wẹ yin oviyọnnu otọ́ de tọn he wa sọn okun Igbo tọn mẹ bọ onọ yin Amẹlikanu de.
To whenuena mẹhe to whèzẹtẹn-waji Naijilia tọn lẹ basi nudide nado tlọn sọn Naijilia mẹ bo do otò yetọn titi ai he nọ yin yiylọdọ Republic of Biafra, nudide ehe dekọtọn do tòwhan to Naijilia mẹ ehe yin yinyọnẹn gbọn otogbo lọ blebu mẹ taidi awhàn Biafra tọn owhe 1967-70 tọn. Na awhàn lọ wutu e wọ podo mẹdaho etọn lẹ po yi Michigan, USA bo yi finẹ do basi fibẹtado yetọn podo onọ yetọn po bọ otọ́ yetọn nọte do Naijilia. Ye nọte do Michigan kakajẹ owhe 1971, owhe dopo godo to whenuena awhàn Biafra tọn lọ ko wa vivọnu.E plọnnu to wekàntọ Chinua Achebe glọ, bo mọ gbedewema daho yi to yovogbemẹ podo otànwe po to wehọmẹ alavọ Naijilia tọn. E bẹ osẹ̀n sisá do avọji, yẹdide osẹ̀n tọn do avọji gbọn wekún jijlọ yiyizan ji. To owhe 1988 e bẹ yẹdide do wema ji jẹeji gbọn wekantin podo wesin po yiyizán dali.
Yẹdide ehe lẹ yin dandanu naẹ hugan azọ́n etọn he po lẹ gbọn tintẹnpọn nado ze azọ́ngban owhesi tọn podo yẹdidẹ tọn do otẹn yetọn mẹ. Azọ́n etọn lẹ nọ gbeje zinpinpẹn aṣa voovo lẹ tọn podo dohia aṣa voovo lẹ tọn po to Aflika mẹ podo fi devo lẹ po. Azọ́n etọn lẹ ti n to bẹplidopọ yẹdehọ The Newark Museum of Art mẹ. Udechukwu yin dopo to yọnnu he tindo kanṣiṣa de he ogbẹ́ Nsukka tọn.
To 1997, to nukọn aṣẹglanglan-panamẹtọ awhànfuntọ Naijilia tọn, asu etọn, yẹdetọ Obiora, Udechukwu, kẹalọyi azọ́ngban mẹpinplọn tọn to wehọmẹ alavọ St. Lawrence to agewaji New York tọn. E wọ podo oviyọnnu etọn Ijeanuli podo ovisunnu etọn Nwora podo asi ẹ po tlọn sọn Naijilia mẹ yi Amẹlika to fihe ye ko to ninọ sọn whenu dindẹn gbọn.
Taidi wekàntọ de, Ada Udechukwu yin ohó milomilo-kantọ na taun tọn podọ e sọ yin yinọnẹn na otàn gli he e nọ kàn lẹ. Ohó milomilo etọn podo yẹdide lẹ po, Woman, Me, yin zizejẹgbonu gbọn linlin Boomrang dali to (1993). Otàn gli etọn Night Bus yin zizejẹgbonu gbọn linlẹn de poun do nuhahun he tin to owe kandai The Atlantic (Avivọsun 2006). E sọ zin owe yọpọvu lẹ tọn "Herero" jẹ gbonu to owhe 1995.