Owọ́
Owọ́ yin dopo to nududu dé he gunnu lẹ yinwanna taun bo nọ du ganji lẹ mẹ. Gbado mẹ wẹ yé nọ dé owọ́ sọn, ehe dohia dọ gbado he hú ganji wẹ nọ yin yiya bo dé dopodopo etọn bo ze yi omọ̀mẹ na lili, eyin e ko yin lili po godo, e nọ wa lẹzun nuhe gunnu lẹ nọ ylọdọ lifin. Lifin ehe wẹ nọ yin yiyizan nado da Owọ́.
Lehe e nọ yin dídá gbọn[jlado | jla asisado]
Onu tintan he na yi adò ji wẹ osin, enẹgodo mi na jodo na nukun-whiwhe kleun dé na e nido hunzo ganji, enẹgodo mi na ba lifin lọ pẹvide dó agban he sọgan hẹn osin dé mẹ bo ba osin fifa dó e ji bo na hò koko etọn to aigba. Todin mi na ze wọdatin kavi to hogbe devo mẹ atinpẹ bo kọn koko lọ dó osin miọnawu he to adò ji lọ mẹ bo na jẹ dindán ẹn ji po atinpẹ kavi wọdatin lọ po na ojlẹ kleun dé. Nuhewutu mi dona dán ẹn wẹ yindọ na e ni ma dó dó ago lẹ, ojẹ̀ sọgan yin yiyi do emẹ, ehe yin nudide mẹdetiti tọn. To ojlẹ kleun dé godo, mi na dè atinpẹ kavi wọdatin lọ sẹ bo sunudo e domọ to adoji na nukun-whiwhe kleun devo na e nido fiẹsin ganji enẹgodo mí na hùn nusu sọn enu bo ba lifin devo bo dó dan ẹn ganji jẹ whenue e na sinyẹn vude bo sọgan yin dudu po nusọnu depope po. Ṣigba mẹdevo lẹ nọ jlo bibọ etọn ehe dohia dọ e sọgan yin dídá dó bibọ kavi dó sinsinyẹn lọji. Eyin e nọ adò ji na ojlẹ vude bo bí ganji godo, mí na zlọn ẹn dó aigba bo kan ẹn do núdùpanu mẹ bo dunu. Ṣigba, eyin e po jẹ azan awetọ gbe è nọ lẹzun owọ́ adlọ kavi owọ̀koli.