Osẹnsisa

Sọn Wikipedia
Jump to navigation Jump to search

Osẹnsisa wẹ nado yi osẹn dó dé yẹdide dé kavi nado sanudo Ohọ, Ado, kavi Ògán de nado hẹn ẹn yọnwhanpẹ. Osẹn wunmẹwunmẹ wẹ tin bọ yé nọ yi dó sanu, delẹ to emẹ wẹ osẹn osinọ, osẹn aminọ, po osẹn odẹnọ dé po. Nudetọ delẹ nọ zan wekantin, devo lẹ sọ nọ zan Akan podọ ga wekannu devo lẹ.

Yẹdide je yọnwhanpẹ lẹ mọ saba yin zizesẹdo yẹdidehọsa lẹ taidi dehe ye bọ ylọdọ National Gallery to London po Louvre po to Paris fie yẹdide he diyin hugan to aihọn lọ blebu mẹ yin tẹ, yẹdide lọ wẹ yé nọ ylọdọ Mona Lisa. Leonardo da Vinci wẹ yinkọ mẹhe de yẹdide lo ton mọ yin. Yẹdide se sẹdotẹn wunmẹwunmẹ lẹ wẹ yin lẹdo aihọn pé bọ yẹdide he ye yi osẹn dó doaṣọna lẹ tin to ye mẹ. Vogbigbọn tin to nudide po Yẹdide po mẹ. Nudide lẹ nọ dó lehe nude tin te do hia, ṣigba Yẹdide lẹ nọ dó nujọnu yinyin nudide de tọn hia. Enẹwẹzọn bọ ni azọn ma fo to Yẹdide deji ema nọ yọnwhanpẹ nado pọn.

Azọn debọdodego Ẹnẹ wẹ nọ yin wiwà whẹpo Yẹdide de do nọ yọnpọn:

  1. Awuwiwle: Osẹnsatọ he nọ yi osẹn dó dé yẹdide dé nọ wleawuna owhlẹ daho de,bo nọ yi osẹn wéwé dó sa ẹ. Enẹgodo e nọ jo e dó bọ e nọ hu ganji. Osẹn wewe lọ nọ hẹn yọnbasi na nupọntọ lẹ nado mọ whanpẹ yẹdide lọ tọn ganji.
  2. Numima: Nado yi osẹn dó dé yẹdide dagbe de, owhlẹ daho lẹ nọ yin mima dó tẹnmẹ voovo po nukantin dé po nado sa sẹndo fi voovo lẹ na eni dó yọnpọn.
  3. Osẹnvọsado osẹn ji: Todin osẹn sinmẹ wunmẹwunmẹ lẹ nọ yin sisa dó yedelẹ ji nado hẹn yẹdide lọ wá aimẹ. Bọ todin yẹdide ko to sisẹpọ nujọnu de.
  4. Nujijlado tẹnmẹ: Fi ehe wẹ nọ hẹn azọn he su hugan to azọn lọ lẹ po mẹ, na fi wẹ yẹdide lọ nọ yin vivọjlado te bọ e dó nọ yọnpọn.

Alọdlẹndonu lẹ[jlado | jla asisado]