Onwuchekwa Jemie

Onwuchekwa Jemie yin wekantọ,oho milomilo-kantọ, linlinzọ́nwatọ dé po weyọnẹntọ Otò Naijilia tọn dé po.

Otàn gbẹzan tọn

Jemie yin jiji dó Ayimatẹn Abia tọn mẹ, to Naijilia, bosọ yi Wehọmẹ daho Hope Waddell Training to Calabar. E mọ gbedewema Bachelor of Arts tọn yí sọn Wehọmẹ daho, yedọ Wehọmẹ Alavọ Columbia tọn, podọ gbedewema daho sọn Wehọmẹ Alavọ Harvard tọn, whẹpo e do lẹkọ do Wehọmẹ Alavọ Columbia tọn na gbedewema daho hugan yiyi tọn to English po comparative literature po mẹ. To pọmẹ hẹ hagbẹ etọn ehelẹ Stanley Macebuh, Femi Osofisan, po Chinweizu Ibekwe po, Jemie yin dide taidi ogán linlinwe Guardian tọn, bo yin yinyọnẹn gbọn mẹsusu dali taidi mẹhe yin tlọntlọngbọn to linlinninamẹ to Naijilia, E to azọ́nwa taidi weda linlinwe tọn jladotọ tintan de podọ azinponọ na ogbẹ jladotọ lẹ tọn po. E ko sọ basi zinjẹgbonu owe lẹ tọn, yindidi Langston Hughes tọn: An Introduction to the Poetry (1976) po Biafra Requiem po (1970), podọ Toward the Decolonization of African mericaLiterature (1983), bo wazọ́ndopọ po Chinweizu po Ihechukwu Madubuike, po Yo' Mama! po to: New Raps, Toasts, Dozens, Jokes and Children's Rhymes from Urban Black America (2003) mẹ. To whenue e ko wazọ́n taidi weyọnẹntọ to English literature, African literature po African-American literature po to Wehọmẹ Alavọ Amẹlika tọn delẹ godo, Jemie lẹzun ogán linlinwe jladotọ tọn Nigeria's Business Day tọn.