Ogbẹ́ Plidopọ Akọta lẹ tọn he nọ penukundo akuẹzinzan ovi lẹ tọn go (UNICEF)

Sọn Wikipedia
Jump to navigation Jump to search
Logo of UNICEF.svg
Asia UNICEF tọn

Ogbẹ́ Plidopọ Akọta lẹ tọn he nọ penukundo akuẹzinzan ovi lẹ tọn go (UNICEF) yin azọnwhé de he plipli oto susu lẹ he ye nọ ylọ dọ United Nations ze dote nado penukundo dagbemẹninọ podọ nukọnyiyi yọpọvu lẹ tọn po lẹdo aihọn pe. UNICEF yin azọ́nwhé he yin nukundeji de to aigba lọ blebu ji na e tin to oto diblayi 192 mẹ, podọ to aigba denamẹ susu lẹ mẹ. UNICEF yin zizedayi to azan widopotọ, osun wiawetọ, [[owhe] 1946 tọn to ayimatẹn New York tọn, Amẹlika, gbọn United Nations dali nado wleawuna kọgbọnu lẹ na yọpọvu lẹ podọ na onọ he pehẹ awufiẹsa to wẹkẹwhan awetọ he jọ whenu mẹ lẹ.

Nuhe UNICEF nọ wa lẹ[jlado | jla asisado]

Delẹ to azọ́n he UNICEF nọ wa lẹ mẹ wẹ nado do yẹnvi he nọ glọnalina awutu voovo lẹ he nọ dotukla yọpọvu lẹ, ye nọ penukundo yọpọvu lẹ podọ onọ he tindo azọ́n he ma tindo pọ̀ngbọ he ye nọ̀ ylọdọ HIV lẹ go, devo wẹ yindọ̀ ye nọ̀ nọgodona nududu he nọ̀ gọalọna whinwhẹn yọpọvu lẹ tọn, wiweji ninọ, wehọmẹ yiyi, podọ̀ nado yawu gọalọ̀ to whenue nugbajẹmẹji de jọ to ajijimẹ.

Lehe Unicef nọ mọ akuẹ gbọn[jlado | jla asisado]

Nunina sọn ahunmẹwa sọn akọta lẹ podo gbẹtọ paa lẹ po si wẹ UNICEF ganjẹ nado sọgan penukundo nuhudo etọn lẹ go. To owhe 2020 tọn, akuẹ he azọ́nwhe lọ tindo lẹpo wẹ liva 7.2. To owhe 2018 kẹdẹ mẹ, UNICEF gọalọ nado ji ovi he sọha etọn yin Livi Koatọ́nnukunawe (27 million), ye sọ wleawuna ovi di Livi wiawe nado yi wehọmẹ podọ nudevo lẹ. Ehe zọn bọ UNICEF do mọ gbedewema susu yi sọn ọgbẹ voovo lẹ si.

Alọgọ UNICEF tọn lẹ[jlado | jla asisado]

To owhe 2003, UNICEF Basi alọgọ na bọọlu hogbẹ Italy piacenza Calcio 1919 tọn Kaka do jẹ owhe 2008. To azan ṣianwetọ Zosun owhe 2006, tito gbekọndopọ tọn dè yin bibasi to UNICEF po bọọlu hogbẹ FC Barcelona fọn po ṣẹnṣẹn; kọdetọn tito lọ tọn dohia dọ bọọlu hogbẹ Barcelona na nọ basi nunina sọha livi dopo da Euro (€1.5 milliọn) tọn na UNICEF to owhe dopo mẹ na owhe atọ́n (5). Gbọnvona enẹ, gbekọndopọ devo he ye do dohia dọ bọọlu hogbẹ Barcelona na dó avọ̀ bọọluhotọn yetọn he yé kan UNICEF dó nukọn na. Ehe wẹ wla tintan he bọọlu hogbẹ dè na bayi nunina alọgọ tọn na azọ́nwhé dè; na azọ́nwhé lẹ wẹ nọ yawu bayi nunina alọgọ tọn na azọnwhé lẹ. E sọ basi tintan to otań bọọlu hogbẹ Barcelona tọn mẹ dọ azọnwhé devo sìn yinkọ yin kinkan dó nukọn na bọọluhovọ yetọn.

Alọdlẹndonu lẹ[jlado | jla asisado]