Michel Ahouanmènou
|
This article is written in Gun (Gungbe) |
Michel Ahouanmènou (he nọgbẹ̀ sọn 23 Awewesun 1916 jẹ 1979)[1] yin tonudọtọ po afọzedaitọ po Bénin tọn de, he nọ wazọ́n hugan to whenuena otò etọn yin yinyọnẹn taidi Dahomey.
Ahouanmènou yin jiji to 23 Awewesun 1916 to Họgbonu do whẹndo diyin tọn de mẹ. E yin ahọluzọnwatọ de na owhe susu bo lẹzun godonọnamẹtọ sinsinyẹn Sourou-Migan Apithy tọn de. Ahouanmènou yin dide gbọn vòbibla dali taidi afọzedaitọ Họgbonu tọn to Pipli paa Dahomey tọn ji to 1946. E wadevizọn taidi nugopọntọ to Afrique Occidentale Francaise sọn 1957 kakajẹ 1959. Mahopọnna nukundiọsọ Apithy mẹ to Parti Républicain Dahoméen mẹ to 1959, Ahouanmènou yin nugbonọ hlan Apithy. To 1959 po 1961 po ṣẹnṣẹn, Ahouanmènou yin hagbẹ Communauté française tọn de.[2]
To 1960, whenue Dahomey jẹ mẹdekannu, togán Hubert Maga de Ahouanmènou taidi agbago-gán he nọ penukundo jọja po aihundida lanmẹyiya tọn po go. To ojlẹ de godo to owhe enẹ mẹ, Maga de Ahouanmènou taidi agbago-gán he nọ penukundo wepinplọn go, yèdọ otẹn de he mẹ e nọ̀ kakajẹ 1963. Ahouanmènou lẹzun anadenanutọ agbago-gán Togán Apithy tọn lẹ tọn bosọ yin agbago-gán he nọ penukundo wepinplọn go to Awhàngán Christophe Soglo glọ Sọn 1966 jẹ 1967. E wadevizọn taidi afọzedaitọ to France sọn 1967 jẹ 1971 podọ to Great Britain sọn 1969 jẹ 1971. E wadevizọn taidi agbago-gán na whẹho tògodo tọn lẹ to gandudu Pipli ayinamẹtọ togán tọn lẹ tọn tọn glọ sọn 1971 jẹ 1972, ṣigba e yin yinyan sọn azọ́n etọn mẹ whenuena Mathieu Kérékou dugán gánnugánnu. To huhlọn do hò gandudu yí to 1972 godo, Ahouanmènou yin owhẹ̀ akuẹ mẹdevo tọn finfin tọn sadokọna bo yin zizedo gànpamẹ to kleun mẹ, ṣigba to nukọn mẹ owhẹ̀ heyin sisadokọna ẹn lẹpo yin hùzẹdeji.[3] Ahouanmènou kú to 1979.[2]
Zẹẹmẹ kleun lẹ
[jlado | jla asisado]- ↑ https://rulers.org/indexa2.html
- ↑ 2.0 2.1 Houngnikpo, Mathurin C.; Decalo, Samuel (2013). Historical Dictionary of Benin (in English) (4th ed.). Lanham, Toronto, Plymouth: The Scarecrow Press. ISBN 978-0810871717.
- ↑ Former minister released from prison. Translations on Africa (in English). United States: Joint Publications Research Service. 20 March 1973. p. 21. Retrieved 14 July 2024 – via Google Books.