Lẹdo

Sọn Wikipedia
Pọninọ to Lẹdo dé mẹ

Nupinplọn gándo Lẹdo go yin nujọnu he mi ma gan yí dó dahun. Gbẹtọ dé ma tin he tin to ṣokẹdẹ bọ mẹde ma nọ nọ fihe ewọ nọ nọ, kọmẹnu le nọ tin janwẹ bọ Lẹdo mẹnu lẹ sọ mọ bọdo ego. Mẹsusu wẹ nọ nọpọ bo nọ yin Lẹdo dé yedọ Otọ, Onọ, Họntọn, Kọmẹnu pọ mọ mọ lẹpò. Dile Onọ to viji bọ Otọ tó vigopenukundo bọ Họntọn lẹ to susu, mọwẹ Lẹdo to kiklo dó niyẹn.

Mẹhe gándo migo po mẹhe ma gándo migo po lẹpò wẹ nọ pọ bọ nọ yin yiylọdọ Lẹdo.To aigba gungbe tọn ji podọ fihe gbẹtọ lẹ nọ nọ lẹpò, pọninọ yin nujọnu taun. Na e yindọ mẹde sọ èmí na nọ nọ pọ mẹdevo po, ni pọninọ dagbe de ma tin e na din fidevo bo yí etọn. Ṣigba mi mẹhe yin gbẹtọ lẹ yọn nujọnu yinyin pọninọ tọn po ale he tin to emẹ lẹpò. Na e yindọ gbẹtọ susu tin to opọ to Lẹdo de mẹ,e nọ yọnbasi nado panukọn Awhan kavi Whlepọn depope he na wá lẹ.

Enẹwutu wẹ mẹho lẹ dó dolo dọ omẹ Awe pọnte hugan mẹdopo. Mọwẹ Lẹdo nọ nọ, na ni gbekọndopọ titengbe tin, Lẹdo de nọ yitẹn bo nọ Lodo ganji ehe yin dopo to ale pọninọ to Lẹdo de tọn mẹ.

Ṣigba ni Lẹdo gbẹtọ tọn ma to opọ, bọ gbekọndopọ ma tin, Whlepọn po tukla po mẹ wẹ Lẹdo lọ nọ tin te. Enẹ wẹ zọn bọ poninọ dó yin nujọnu to Lẹdo gbẹtọ tọn mẹ. Nukọnyiyi Lẹdo de mẹ tọn má nọ jọ to godo na gbekọndopọ. Mi dona yọnẹndọ na Lẹdo de nido hunnukun wẹ mi do nọ nọpọ, na dile mi ko yọnẹndo dọ Atin dopo ma sọgan lẹzun Zungbo mọjanwẹ gbẹtọ dopo ma sọgan yin Oto kavi Lẹdo de dó niyẹn.

Mẹsusu wẹ nọ nọpọ bo ze nuyọnen he nọ zọnbọ Lẹdo de do nọ yiaga dote, ni nuyọnen dé bẹ azọn devo sọ nọ hodo e bọ azọn wadopọ nuyọnen ehelẹ tọn nọ zọn bọ nukunhunhun nọ wa Lẹdo mítọn lẹ mẹ, ehelẹ po wẹ yin Ale pọninọ tọn to Lẹdo mẹ. Mọdopolọ to whenuena mi to nuplọn gándo Lẹdo de go,mi ma sọgan wọnji nuhe yin òwu kavi nuhe nọ dọn gbakija wa Lẹdo ji. E ma yọnbasi dọ Lẹdo de ni tin ma dó wlepọn etọn lẹ. Na Avun po Okẹn po nọ wa aimẹ dandan to fihe gbẹtọ lẹ nọ nọ. Tukla nọ dọn okẹn bọ Okẹn nọ dọn Avun, Avun sọ nọ dọn Awhan bọ Awhan nọ hẹn Oku wa podọ Nutindo susu wẹ nọ bu. Ehelẹ yin delẹ to whlepọn pọninọ to Lẹdo delẹ mẹ.

Etomọṣo, mi dona yọnẹn dọ ale pọninọ tọn po Whlepọn pọninọ tọn po ko tin sọn bẹjẹeji aihọn tọn. Ni mi hia otàn hoho lẹ mí na yọnẹn dọ onu ehelẹ ma yin jonọnu dé. Nuyọnen gbẹtọ tọn wẹ yé yí dó to anadena nuhe to yiyi to Aigba ji, Osin ji, podọ ga to Jẹhọn mẹ. Gbẹtọ lẹ ko Basi nudagbe susu lẹ mọjanwẹ yẹ kó sọ Basi awugblenamẹnu susu lẹ. Taidi apajlẹ oso po agba adinọ tọn lẹ. Onu ylankan he yé yí nuyọnen dó Basi ehelẹ wẹ yé yí dó fún wẹkẹwhan tintan to owhe 1914 jẹ 1918 po wẹkẹwhan awetọ po to owhe 1939 je 1945. Ni ehelẹ lẹpò wẹ gbẹ tin kakajẹ din to Lẹdo mítọn lẹ mẹ. Na e yin mọ wẹ, mi ni yọnẹn dọ oplọn Lẹdo tọn dohia hezeheze dọ pọninọ to gbekọndopọ mẹ nọ hẹn Ale wá, na gbẹtọ dopo ma sọgan nọ na ede ṣokẹdẹ gba.

Alọdlẹndonu lẹ[jlado | jla asisado]