Komal Oli

Komal Oli (Nepali: कोमल ओली) (he yin jiji to azán 16tọ Lidosun) yin linlinnatọ Nepal-nu tọn de, azọ́nwatọ hladio podo teleji tọn de, hànjitọ aṣa tọn de, aihundatọ de podo tonudọtọ de po. E biọ tonudidọ Nepal tọn mẹ to agọe bosọ yin dopo to hagbẹ Wedegbẹ Tonudidọ Otògbo lọ tọn he to nukunmọnu na Nepal Communist Party (NPC) nado nọ yi dotẹnmẹ hundote yọnnu lẹ tọn to ahọluzọ́nmẹ na ye. E ko jihàn aṣa susu lẹ tọn bo ma sọ wlealọ podọ tlẹnmẹninọ etọn ko na ẹn ayidonugo susu, Komal lọsu na edetiti ko basi ohàn vivi de he yin Jaana Paam! ( Ehe zẹẹmẹdo: Dike na họnbu!).

Gbẹzan bẹjẹeji tọn

Komal yin jiji to azán 16tọ Lidosun to Tikari, Dang na Deepa podo Lalit Oli po. E wọ wẹ yin mẹdaho to ovi ẹnẹ he mẹjitọ etọn lẹ ji mẹ podọ e zán gbẹzan ovuwenu etọn lẹ po to gbetatò etọn mẹ, bọsọ tọ́n sọn wehọmẹ pẹvide mẹ. E plọn ede hànjiji to whenuena e gbẹpo to yiyi wehọmẹ.

Hladio Nepal tọn podo hànjitọ aṣa tọn po

E biọ agbàwhinwlẹn hànjiji aṣa otògbo lọ tọn mẹ he yin awuwledaina gbọn Hladio Nepal tọn dali to 2046 BS bo jẹ otẹn awetọ mẹ. E yin nina azọ́n hànjiji tọn gbọn Hladio Nepal tọn dali to owhe dopolọ mẹ na bladopọ ohàn dopo gee ehe e basi tọn. To 2049 BS, e diọada yi Kathmandu bosọ yin didà taidi linlinnatọ to Hladio Nepal tọn ji.

Kọdetọn dagbe podo yindidi po

Taidi linlinnatọ de na Hladio Nepal tọn podo hànjitọ aṣa tọn de po, e diyin bleun na ogbe etọn to hladio ji to owhe omẹ susu tọn to Nepal na gbetọ lẹ tindo dotẹnmẹ nado se hladio kakayi fididẹn otògbo lọ tọn mẹ. E ko de nuhe hugan bladopọ ohàn wiawe tọn to gbẹzan etọn to hànjiji whenu. To yidogọmẹ, e sọ yin aihundatọ de to nuwiwa gbangba tọn lẹ mẹ podọ e sọ nọ plọn mẹhẹ ja to godo lẹ he jlo nado lẹzun linlinkàntọ hladio podo tele ji tọn po.

Tonudidọ

E jo azọ́n etọn to Hladio Nepal tọn do nado biọ ogbẹ́ Rastriya Prajatantra Party Nepal mẹ ehe nọtena gigọ̀ gandudu podo Ayimatẹn Hindu tọn lẹ po. Mahopọnna enẹ, jẹnukọnna vobibla 2017 tọn, e hopodona Nepal Communist Party (United Marxist Leninist). To whenuena yinkọ etọn ma tọ́n to yinkọ mẹhẹ tọ́n na ogbẹ́ lọ to vobibla whenu, e yi ze yinkọ atẹṣitọ de tọn tọ́n dai nado yin voblana na gbetatò etọn. To nukọn mẹ, e de atẹṣitọ ehe e de tọ́n lọ sẹ bo lẹkọ nado yi nọgodona mẹhẹ yin dide gbọn ogbẹ́ lọ dali. E to sinsẹ̀n taidi dopo to hagbẹ Wedegbẹ Tonudidọ tọn. E yin didẹ gbọn ogbẹ́ etọn dali nado nọ na yọnnu lẹ dotẹnmẹ hundote ahọluzọ́n lẹ tọn bosọ nọ yi yé to gbetatò etọn mẹ.