Kanna

Kanna yin dopo to nududu he Gunnu lẹ nọ sábà du mẹ. E nọ yawu vi mimọ to Gunnugbeji na e ma nọ vẹawu nado da, podọ e ma yin nududu he sinyẹn domọ de. Gbado mẹ wẹ kanna nọ yin mimọ te.

Lehe e nọ yin dídá dó

Mí na ba ojlẹ gbado po osin he na da ẹ do adoji, bo na jodo ni hun-agban bo na zlọn ẹn bo dé osin miawu lọ sẹ sọn e ji bo jodo ni fa kavi ba osin fifa dó e ji bo sọn ẹn. Enẹgodo, mí na ze yi omọ mẹ bo yí lii ni mẹ. Eyin mí lii po godo, mí na hugi lọ bo dé floflo dovo, gipọn dovo sọn emẹ, na gipọn lọ wẹ mí jlo na zan do da Kanna lọ. Todin, mí na pọn ojlẹ gipọn lọ tọn bo ba osin he na pe dídá etọn dó adoji, eyin e ko hun-agban mí na ze wọdatin kavi atinpẹ bo kọn gipọn lọ dó osin miawu he to adoji lọ mẹ bo jẹ huhlu i ji kaka e na dó bi bo sinyẹn na dudu. Enẹgodo mí na jẹ kikan ẹn kavi bibu i ji.

Nuhe nọ yin yiyizan nado bu Kanna lẹ wẹ

• Singlo
• Kokoe-ma
• Afle-ma