Janet Douglas

Janet Douglas, Ledi Glamis (He yin jiji to gbagbla 1498 tọn lẹ mẹ bo ku to azan 17tọ liyasun, 1537) yin yọnu daho de to Scotland he ye dọ gando e go dọ e do aze. Ye yi miyọn do hu Douglas to whenue James V of Scotland do ganzinpo ji na ye sawhẹdokọ na ẹn dọ e yin azetọ wutu.

Owhẹ etọn to whẹdọtẹn taidi mẹhe du aze de

James V Scotland tọn ma yinwana whẹdo Douglas tọn pali. Nọvisunu Janet tọn, Archibaid Douglas, 6th Earl Angus tọn wẹ da ahọlu sin onọ. Angus de young James sọn ganpamẹ. To whenuena James vo sọn whẹndo Douglas tọn si to awewesun 1528 mẹ, e ylọ Janet jẹnukọn whẹ bo sawhẹdokọ na ẹn dọ e ma litayi na aṣẹpipa emi tọn lẹ taidi ahọlu. E yin didọ dọ Janet po gbẹdohẹmẹtọ etọn lẹ po wẹ nọ godo na Earl of Augus nado wa Edinburgh to ayidosun. Na James yinwana Janet pẹde wutu bo do dẹpẹ yinkọ he e nọ ylọ Janet dọ wutu "our lovittis Dame Jonat Douglas" to gbedide de mẹ to 1529, e na gbe Janet po Patrick Charteris Cuthilgurdy tọn po nado họn yi sọn Scotland na e ni kaa yin whẹdana to whẹdatẹn lọ. Jamie Cameron he yin whenuho dọtọ dọ gando Janet go dọ e taidi dọ Janet ma tlọ sọn Scotland wẹ unkọ na kandai lẹ do hia dọ whe lẹ ponu wẹ yinkọ etọn nọ yin zize yi whẹdatẹn dọ e hu whẹ to ojlẹ enẹ mẹ. Dopo to owhẹ lọ lẹ mẹ do hia dọ Janet wẹ hu asu etọn dọ e donu nududu mẹ na ẹn bọ e ku to azan 17tọ zosun, 1528. Gbọn godo mẹ ye ma dlẹ kan na whẹho lọ ba bọ ehe zọn bọ e penugo na do da asu awetọ etọn Archibald Campbell of Skipness to alunlun whenu to 1537. Bọ to azan 17tọ liyasun, 1537 tọn, ye sa whẹdokọna Janet po nọvisunu etọn, Earl of Angus po George Douglas po dọ yẹ blase nado donu nududu mẹ na ahọlu.

James sa whẹdokọna Janet dọ e nọ wabo Kavi sọ aze e dile e tlẹ yin dọ James ma do whẹ whinwhẹn depope na do nọ godo na ẹn. Ye wle Janet po asu etọn po da ganpa doglọ tọn de mẹ (asu etọn họngan amọ ye gbẹ hui to nukọnmẹ) to whe daho de gbe to Edinburgh. E ma vẹawu na James nado wle Janet do ganpamẹ ṣigba e vẹawu na ẹn nado do whẹ whinwhẹn lọ dọ e lẹn yanyan etọn hia. Nuhe James wa wẹ yin dọ, e dike bọ yé ho hagbẹ whẹndo tọn pa afanumẹ Janet tọn lẹ po. E yin didọ dọ azetọ wẹ yin Janet bọ ye mẹ ẹn po miyọn po to ohọ daho de he to Edinburgh mẹ. Ye hẹ ẹn diun dọ visunu Janet tọn to te bo do pinpọn le he onọ etọn to fifiọ to miyọn mẹ do.