Jacob U. Egharevba

Chief Jacob U. Egharevba (1893–1981) yin whenuho-kantọ Bini tọn de podọ e yin agbagogan de he wekinkàn etọn sinai do otàn gandudu Benin tọn kẹdẹ ji.

Gbẹzan bẹjẹeji tọn

Egharevba yin jiji to Idanre, Ayimatẹn Ondo Tọn, Otọ́ etọn tindo kanṣinṣa de podo Ohenmwen po, Iyase onọ́ etọn, Okunzuwa wẹ yin ovivi Ogie Ezomo tọn. Otọ́ yin ajọwatọ de sigba e basi matintọ to owhe 1902. Egharevba zan delẹ to gbẹzan ovuwhenu etọn tọn to owhé tanyin etọn tọn to Idanre. Wehọmẹ etọn yin na ojlẹ gli de bo ma sọ yi to gbesisọmẹ, e zan owhe dopo to wehọmẹ St James' CMS School, Ibadan to 1899 podọ gblagbla he mẹ e tọn te. Enẹ gọdo e yi wehọmẹ St David's School to otò Akure tọn mẹ to 1911 whẹpo e sọ do yi St. Mathews, to Benin. Taidi jọja de, e wazọ́n na ojlẹ pẹvi de taidi alọgọtọ to tọjihún he nọ bẹ agbàn ajọwiwa tọn lẹ yi Benin podo otò he sepọẹ lẹ po. To whenuena e fo wehọmẹ, Egharevba jẹ azọ́n akuẹ pẹvinọ wa ji. E wazọn taidi akuẹyitọ osin zinzan tọn to Benin sigba e jo azọ́n lọ do to owhe 1917 na azọ́nwhe gbangba tọn. To 1922, e jẹ ajọwa ji to Benin podo Sapele po podọ to ojlẹ enẹ mẹ, e sẹpọ whẹndo ahọlu Oba Akenzua II tọn. Kanṣiṣa etọn hẹ ahọlu lọ na ẹn dotẹnmẹ nado sepọ mẹgángán lẹ he tindo nudọnamẹ podo oyọnẹn gando otànho Benin tọn go.

Azọ́n mẹdetiti tọn

To 1921, Egharevba kannu gando owe tintan Ekhere vb Itan Edo ehe wa yin yinyọnẹn taidi The short History of Benin. Owe lọ yin zinzin jẹgbonu to 1933 gbọn linlinwhe CMS Press tọn bo ka sọ tindo kọdetọn dagbe. Owe ẹnẹ (4) tintan he e kàn lẹ yin kinkàn do ogbe Edo tọn mẹ sigba bo yin didiọ do yovogbe to 1934 na mẹsusu wẹ se bosọ to yiyíízan podo nuyiwa etọn do ajọwiwa ji wutu. E hodo osẹ́n podo aṣa Benin tọn po to owe tintan etọn he e zinjẹgbonu to 1934. Oyọnẹn Egharevba tọn gando otàn Benin tọn, osẹ́n lẹ podo aṣa etọn po yin yiyizan to whèdọhọ he e sẹn te taidi ayinamẹtọ gando aṣa Benin tọn go. Gbọnvona owe kinkàn, e sọ yidọgọna hosọ he nọ yin nudego to linlinwe lẹ mẹ bo sọ kànwe sẹdo gandudomẹjitọ lẹ. To owhe 1934, e jẹ zinjẹgbonu linlinwe tọn lẹ basi ji to Benin. Egharevba yin dide nado penukundo nuhoho-pọntẹn Benin tọn to 1946. Mahopọnna dọ e yin nukunpedonugotọ, e sọ yin wekàntọ nukundeji de he ko kàn owe 28 to owhe 1968 mẹ. To owhe 1973, wiatọn (13) to owe etọn lẹ mẹ wẹ yin zinzinjẹgbonu to bladopọ awe (2) mẹ.

Azọ́n lẹ

Azọ́n he yin nukundeji Egharevba tọn wẹ A Short History of Benin he yin zinzinjẹgbonu to vọkan voovo mẹ bosọ tindo diọdo voovo lẹ to hukan lọ lẹ mẹ to vọkan lọ lẹ ṣẹnṣẹn. Owe etọn he basi kandai otàn podo aṣa Benin tọn po doafọ mẹplọnlọ he gbọnvo sigba bo penukundo nuhahun lẹ, nuwiwa lẹ, azọ́nwhe lẹ,̣walọyizan lẹ podo gbẹtọ-yinyin to otàn Benin tọn mẹ. Susu to owe he e kàn to bẹjẹeji mẹ sọn 1934 jẹ 1948 wẹ penukundo kandai otàn tọn, mẹgángán lẹ podo aṣa he na plọn walọdagbe jọja lẹ. To enẹgodo, e yidogọna gblọndo lẹ gando hagbẹ etọn lẹ podo gbẹtọ-yinyin mẹhe to Benin mẹ lẹ tọn to nukinkàn etọn lẹ mẹ.Sigba, delẹ to vọkan etọn lẹ mẹ tindo dọvọdọ lẹ, hogbe dopolọ lẹ sọn owe he e kàn to bẹjẹeji.

Azọ́n ṣinṣinyan lẹ

• A Short History of Benin.
• Concise Lives of the Famous Iyases of Benin.
• The murder of Imaguero and tragedy of Idah War
• Benin games and sports
• Urod d'Agbon
• Ihun-an Edo vb'Obo
• Some Stories of Ancient Benin
• Some Tribal gods of Southern Nigeria
• Ozedu-Interpreter
• The origin of Benin
• Bini Titles
• Amazevbo Omwan Tawiri
• A Brief History of the Life of Gauis Obaseki
• Marriage of the Princesses of Benin
• Ere Ede vb'Obo
• Ominigbon vb'Obo
• Chronicle of Events in Benin
• Fusion of Tribes
• Some prominent Bini people
• Egharevba family
• A Brief Autobiography
• Descriptive catalogue of Benin Museum
• A Brief Life History of Evian
• Itan Edagbon Mwen
• The Ake of Isi

Hoyidọ he tindo asisa lẹ

• "Profile of Egharevba: The Man Egharevba". Spear Magazine. Lagos: Daily Times. May 1968.
• Egharevba, Jacob (1968). Brief Autobiography. Benin city: Benin Museum in Komm.
• Falola, Toyin; Usuanlele, Uyilawa (1994). "Owe pinplọn- vọnu Jacob Egharevba tọn to Benin". Otàn Aflika tọn. 21: 303–318. doi:10.2307/3171890. JSTOR 3171890.