Idah/guw-bj

Gun (Bénin)

Gun (Gungbe)

Cet article est écrit en Gun (Bénin)

Idah nyí tokpɛvi ɖé to xwezɛtɛn waji tɔ̀sisa Niger tɔn tó, to Ayimatɛn Kogi Tɔn, to otò náijilia tɔn mɛ. Éwɔ wɛ tatɔ́ tɛnnɔ̀ axɔluɖuta Igala tɔn, kpóɖɔ é sɔ nyí lɛdó ganɖuɖu dókɔtɔn ɖé xe gbló sɔ̀ kilomɛtlu 36 lɛdó kpé. Gbɛtɔ́ sɔxa 79,815 wɛ tin to finɛ sɔgbe xɛ mɛxixya xe wá aimɛ to 2006.

Otàn

Otò éxe wɛ nyí tatɔ́ tɛnnɔ̀ axɔluɖuta Igala tɔn, kpóɖɔ mɛxe nyí axɔlu otò éxe tɔn, yèɖɔ Attah Igala tɔn, wɛ HRM Idakwo Ameh Oboni. Idah nyí otò ajɔwiwa kpó hwèxuxu kpó tɔn tangan ɖé to náijilia. Ná é nyí otò ajɔwiwa tɔn ɖé wutu, tovi kpó jonɔ susu kpó wɛ nɔ wá wàjɔ to finɛ to ojlɛ ɖé mɛ wayi kpóɖɔ nǔxe yé nɔ sà tawun wɛ jinu lɛ kpó nuxɔakwɛ́ lɛ kpó. Alɔkɛ́ gànvɛɛ tɔn lɛ kpó akwɛ́okún lɛ kpó wɛ nɔ nyí yiyizan húgǎn tayiɖi akwɛ́ to hwenɛnu.

Lɛdó

Idah, xe nyí tɔjihun-glintɛn xoxo ɖé, tin to xwezɛtɛn waji tɔ̀sisa Niger tɔn tó to alixyamɛnu 7°05′00″N 6°45′00 ji.

Ajɔ́

Tokpɛvi lɔ wɛ otò tangan xe nɔ sà jinukún lɛ ná Ayimatɛn Kogi Tɔn. É tindó ali ajɔwiwa tɔn ɖé to tɔ̀sisa Niger tɔn ji xe yè sɔgan gbɔn nádó yì Lokoja, xe nyí tatɔ́ tɛnnɔ̀ Ayimatɛn Kogi Tɔn, xe tin to agewaji náijilia tɔn. Yè sɔ sɔgan gbɔn tɔ̀sisa lɔ ji nádó yì Onitcha xe tin to Ayimatɛn Anambra Tɔn to xuwaji, kpóɖɔ Agenebode to Ayimatɛn Edo Tɔn to xweyixɔwaji. Igalanu lɛ wɛ sù húgǎn to otò éxe mɛ. Mɛxe to ganɖu dó ganɖuɖu dókɔtɔn lɛdó lɔ tɔn ji to alɔnu wɛ Hon Abuh Odoma.

Wekpinkplɔ́n

Wexɔmɛ alavɔ tɔn Federal Polytechnic tin to otò Idah tɔn mɛ kpóɖɔ wexɔmɛ alavɔ College of Science, Health and Technology lɔsu to finɛ ga.